Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2018-ci il 7 dekabr tarixli 1389-VQD nömrəli Qanununun tətbiqi haqqında” Azərbaycan Respublikası Prezidentinin 2019-cu il 31 yanvar tarixli 504 nömrəli Fərmanının 1.2-ci bəndinin icrasını təmin etmək məqsədilə qərara alıram:
1. “Azərbaycan Avtomobil Yolları Dövlət Agentliyinin fəaliyyət istiqamətləri üzrə müvafiq işlərin görülməsi üçün alınması tələb olunmayan lisenziyaların siyahısı” təsdiq edilsin.
2. Azərbaycan Respublikasının Nazirlər Kabineti bu Fərmandan irəli gələn məsələləri həll etsin.
Azərbaycan Respublikasının Prezidenti
Bakı şəhəri, 9 iyul 2020-ci il
Tikintisinə icazə tələb olunan bina və qurğuların mühəndis-axtarış işləri:
mühəndis-geoloji axtarış
qruntların laboratoriya tədqiqatı
Tikintisinə icazə tələb olunan bina və qurğuların tikinti-quraşdırma işləri:
nəqliyyat tunelləri (metropolitenlər istisna olmaqla)
körpülərin, estakadaların və yolötürücülərinin tikintisi
Tikintisinə icazə tələb olunan və barəsində məlumatlandırma icraatı tətbiq olunan bina və qurğuların layihələndirilməsi
Nəqliyyat qurğularının layihələndirilməsi:
tunel, körpü və yolötürücülərin layihələndirilməsi
avtomobil yollarının layihələndirilməsi
layihələrin xüsusi bölmələrinin işlənilməsi:
tikintinin təşkilinin layihələndirilməsi
smetaların tərtib edilməsi
bina, qurğu və mühəndis sistemlərinin texniki vəziyyətinin müayinəsi:
mühəndis sistemlərinin müayinəsi
baş layihəçi funksiyasının həyata keçirilməsi (fəaliyyət sahələri üzrə)