Azərbaycan Respublikası Nazirlər Kabinetinin 2001-ci il 25 dekabr tarixli 199 nömrəli qərarı ilə təsdiq edilmiş "Elektrik enerjisindən istifadəyə görə birinci dərəcəli istehlakçıların (elektrik enerjisi təchizatının dayandırılmasına icazə verilməyən təşkilatların) Siyahısı"na əlavə edilməsi haqqında
"Azərbaycan Respublikası Dövlət Miqrasiya Xidmətinin yaradılması haqqında" Azərbaycan Respublikası Prezidentinin 2007-ci il 19 mart tarixli 560 nömrəli Fərmanına əlavələr və dəyişikliklər edilməsi barədə" Azərbaycan Respublikası Prezidentinin 2009-cu il 8 aprel tarixli 76 nömrəli Fərmanının 2.3-cü bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:
1. Azərbaycan Respublikası Nazirlər Kabinetinin 2001-ci il 25 dekabr tarixli 199 nömrəli qərarı (Azərbaycan Respublikasının Qanunvericilik Toplusu, 2001-ci il, № 12, maddə 809; 2002-ci il, № 10, maddə 641; 2003-cü il, № 6, maddələr 342, 348; 2004-cü il, № 10, maddə 871; 2005-ci il, № 6, maddə 541, № 10, maddə 978; 2006-cı il, № 4, maddə 373, № 9, maddə 822, № 10, maddə 903; 2008-ci il, № 2, maddə 130; 2009-cu il, № 2, maddə 144) ilə təsdiq edilmiş "Elektrik enerjisindən istifadəyə görə birinci dərəcəli istehlakçıların (elektrik enerjisi təchizatının dayandırılmasına icazə verilməyən təşkilatların) Siyahısı"nın "Büdcədən maliyyələşdirilən istehlakçılar" bölməsinə aşağıdakı məzmunda on üçüncü abzas əlavə edilsin:
"Dövlət Miqrasiya Xidmətinin inzibati binası və qanunsuz miqrantların saxlanması mərkəzləri.".
2. Bu qərar imzalandığı gündən qüvvəyə minir.
Azərbaycan Respublikasının Baş naziri A.RASİZADƏ
Bakı şəhəri, 28 iyul 2009-cu il