Azərbaycan Respublikası Prezidentinin "İçərişəhər" Dövlət Tarix-Memarlıq Qoruğu haqqında Əsasnamənin təsdiq edilməsi barədə" 2005-ci il 28 fevral tarixli 200 nömrəli və "Azərbaycan Respublikasının Nazirlər Kabineti Yanında "İçərişəhər" Dövlət Tarix-Memarlıq Qoruğu İdarəsinin Əsasnaməsinin, idarənin strukturunun təsdiq edilməsi və aparatının işçilərinin say həddinin müəyyən edilməsi barədə" 2007-ci il 16 may tarixli 574 nömrəli fərmanlarına əsasən Azərbaycan Respublikasının Nazirlər Kabineti qərara alır:
1. Azərbaycan Respublikası Nazirlər Kabinetinin 2004-cü il 1 iyul tarixli 91 nömrəli qərarı (Azərbaycan Respublikasının Qanunvericilik Toplusu, 2004-cü il, il №7, maddə 582; 2007-ci il, № 11 maddə 1177; 2008-ci il, № 2, maddə 132) ilə təsdiq edilmiş "Azərbaycan Respublikasında avtomobil yollarının təsnifat göstəriciləri"nin "Sahə avtomobil yollarının təsnifat göstəriciləri" bölməsinə aşağıdakı məzmunda 5-ci bənd əlavə edilsin:
"5. Tarix-memarlıq və mədəniyyət qoruqlarının ərazilərindəki avtomobil yolları."
2. Bu qərar imzalandığı gündən qüvvəyə minir.
Azərbaycan Respublikasının Baş naziri A. RASİZADƏ
Bakı şəhəri, 14 avqust 2009-cu il