“Baytarlıq haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2005-ci il 22 noyabr tarixli 316 nömrəli Fərmanının 1.4-cü, 1.46-cı, 1.47-ci və 1.54-cü bəndlərinin icrasını təmin etmək məqsədilə Azərbaycan Respublikasının Nazirlər Kabineti qərara alır:
1. “Heyvanların və əhalinin sağlamlığı üçün təhlükə törədən xüsusi təhlükəli xəstəliklərin Siyahısı” təsdiq edilsin (əlavə olunur).
2. Bu qərar imzalandığı gündən qüvvəyə minir.
Azərbaycan Respublikasının Baş naziri A.RASİZADƏ
Bakı şəhəri, 7 iyul 2006-cı il
Bu Siyahı “Baytarlıq haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2005-ci il 22 noyabr tarixli 316 nömrəli Fərmanının 1.46-cı və 1.47-ci bəndlərinin icrasını təmin etmək məqsədilə hazırlanmışdır və heyvanların və əhalinin sağlamlığı üçün təhlükə törədən xüsusi təhlükəli xəstəlikləri əhatə edir.
bruselyoz (Brucella abortus)
bruselyoz (Brucella melitensis)
bruselyoz (Brucella suis)
qoyunların kataral isitməsi
iri buynuzlu heyvanların vərəmi
iri buynuzlu heyvanların sistiserkozu
infeksion rinotraxeit/infeksion vulvovaqenit
iri buynuzlu heyvanların süngərvari ensefalopatiyası
iri buynuzlu heyvanların taunu
iri buynuzlu heyvanların kontagioz plevropnevmoniyası
qoyunların epididimiti (Brucella ovis)
xırda buynuzlu heyvanların taunu
atların infeksion anemiyası
atların ensefalomiyeliti
donuzların qızıl yeli
yüksək patogenli quş qripi
ornitoz (psitokokkoz)
1. 4 sentyabr 2008-ci il tarixli 202 nömrəli Azərbaycan Respublikasının Nazirlər Kabinetinin Qərarı (Azərbaycan Respublikasının Qanunvericilik Toplusu, 2008-ci il, № 09, maddə 853)