Azərbaycan Respublikası Mərkəzi Bankının İdarə Heyətinin
“Azərbaycan Respublikasının bank sistemində arxiv işinin aparılması haqqında Təlimat”ın təsdiq edilməsi barədə
Rəsmi dərc edildiyi mənbə
Azərbaycan Respublikasının Vahid hüquqi təsnifatı üzrə indeks kodu
Hüquqi Aktların Dövlət Reyestrinin qeydiyyat nömrəsi
Hüquqi aktın Hüquqi Aktların Dövlət Reyestrinə daxil edildiyi tarix
Bank sistemində arxiv işinin normativ tənzimləmə mexanizmlərinin təkmilləşdirilməsi məqsədi ilə Azərbaycan Respublikası Mərkəzi Bankının İdarə Heyəti “Azərbaycan Respublikasının Mərkəzi Bankı haqqında” Azərbaycan Respublikası Qanununun 22.0.17-ci və “Banklar haqqında” Azərbaycan Respublikası Qanununun 39.1-ci maddələrinə əsasən
1. “Azərbaycan Respublikasının bank sistemində arxiv işinin aparılması haqqında Təlimat” təsdiq edilsin (əlavə olunur);
2. Hüquq departamentinə (R.Məlikova) tapşırılsın ki, bu Təlimatın 3 gün müddətində Azərbaycan Respublikasının Hüquqi Aktların Dövlət Reyestrinə daxil edilməsi üçün Ədliyyə Nazirliyinə təqdim olunmasını təmin etsin;
3. Azərbaycan Respublikası Mərkəzi Bankının İdarə Heyətinin 07.04.2009-cu il tarixli qərarı ilə (9 nömrəli protokol) təsdiq edilmiş (20.04.2009-cu il tarixli 3442 nömrəli şəhadətnamə) “Azərbaycan Respublikası bank sistemində arxiv işinin aparılması haqqında Təlimat” ləğv edilsin.
1.1. Bu Təlimat “Azərbaycan Respublikasının Mərkəzi Bankı haqqında”, “Banklar haqqında”, “Milli arxiv fondu haqqında” Azərbaycan Respublikasının qanunlarına, Azərbaycan Respublikasının digər normativ hüquqi aktlarına uyğun olaraq hazırlanmış və bank sistemində arxiv işinin aparılması qaydalarını, habelə sənədlərin arxivdə saxlanması müddətlərini müəyyən edir.
1.2. Bu Təlimat Azərbaycan Respublikası Mərkəzi Bankının (bundan sonra – Mərkəzi Bankın), habelə Azərbaycan Respublikasında fəaliyyət göstərən bankların, bank olmayan kredit təşkilatlarının və xarici bankların yerli filiallarının (bundan sonra – bankların) fəaliyyəti nəticəsində yaranan sənədlərin minimum saxlanma müddətlərini müəyyən edir (əlavə № 1). Hər bir bank öz mülahizəsinə görə sənədlərini onların elmi-əməli əhəmiyyətini nəzərə alaraq daha uzun müddətdə saxlaya bilər.
1.3. Bu Təlimatın məqsədləri üçün ayrıca qeyd olunmadıqda bank dedikdə həmçinin Mərkəzi Bank da nəzərdə tutulur. Bu Təlimat qüvvəyə mindikdən sonra aşkar olunmuş, yaxud yeni yaradılmış sənədlər kateqoriyasının saxlanma müddəti Təlimata dəyişikliklər edilənədək sənədin elmi-əməli əhəmiyyətinə uyğun olaraq bankın özü tərəfindən müəyyən edilir.
1.4. Məxfi sənədlərin saxlanılması Azərbaycan Respublikası Prezidentinin 2005-ci il 19 yanvar tarixli, 179 nömrəli fərmanı ilə təsdiq edilmiş “Dövlət hakimiyyəti orqanlarında, idarə, təşkilat və müəssisələrində məxfi sənədlərlə iş üzrə kargüzarlığın aparılması Qaydası” ilə tənzimlənir.
1.5. Bu Təlimat kargüzarlıq işində sənədlərin səmərəli təşkili, təsnifatı, onların daimi və müvəqqəti saxlamaq üçün seçilməsi, işlərin formalaşdırılması və iş nomenklaturasının tərtibində də istifadə oluna bilər.
2.1. Bankların fəaliyyəti nəticəsində yaranan arxiv sənədlərinin mühafizəsi işi bilavasitə onların özləri tərəfindən həyata keçirilir. Səhmlərinin nəzarət zərfi dövlətə məxsus olmayan bankların arxiv sənədləri Milli arxiv fondunun qeyri-dövlət hissəsini təşkil edir və onların mülkiyyəti hesab olunur.
2.2. Banklar öz sənədlərini dövlət arxivində mühafizə etmək üçün dövlət mülkiyyətinə verə bilər. Bu münasibətlər Azərbaycan Respublikasının Dövlət Arxivi (bundan sonra – dövlət arxiv xidməti təşkilatı) və bank arasında bağlanan müqavilə ilə tənzimlənir.
2.3. Banklar öz arxiv sənədlərini saxlamaq üçün əlverişli bina və ya otaqlar ayırmalı, sənədlərin mühafizəsini təmin etməli və bunun üçün məsuliyyət daşıyan məsul şəxslər təyin etməlidirlər.
2.4. Banklarda arxiv üçün ayrılmış binalar və ya otaqlar sənədlərin mühafizəsi üçün xüsusi avadanlıqlarla (qəfəslərlə, rəflərlə, seyflərlə, qutularla, qovluqlarla və ya belə təyinatlı başqa avadanlıqlarla) təmin olunmalıdır.
2.5. Sənədlər saxlanılan binalar və ya otaqlar yanğından mühafizə vasitələri və yanğın əleyhinə siqnalizasiya sistemləri ilə təchiz edilməlidir. Sənədlər saxlanılan yerlərdə optimal temperatur (rütubət) və sanitar-gigiyena rejimi yaradan texniki vasitələrdən istifadə olunmalıdır.
3.1. Azərbaycan Respublikası Nazirlər Kabinetinin 2006-cı il 28 yanvar tarixli, 27 nömrəli qərarı ilə təsdiq edilmiş “Elektron sənədlərin mübadiləsi Qaydası”na uyğun olaraq elektron sənədin saxlanılması zamanı aşağıdakı şərtlər təmin olunmalıdır:
3.1.1. elektron sənəd yaradıldığı, ötürüldüyü və ya qəbul edildiyi quruluşu saxlamalıdır;
3.1.2. elektron sənəd onu göndərəni, alanı, göndərilmə və alınma vaxtını müəyyən etməyə imkan verməlidir;
3.1.3. elektron sənəddə olan informasiya növbəti istinad üçün istifadə edilə bilməlidir;
3.1.4. qanunvericiliklə və tərəflərin razılığı ilə müəyyən edilən digər şərtlər gözlənilməlidir.
3.2. Elektron sənədlərin saxlanma müddəti həmin kateqoriyadan kağız sənədlər üçün nəzərdə tutulmuş müddətdən az ola bilməz. Elektron daşıyıcılarının texniki keyfiyyətlərindən asılı olaraq həmin daşıyıcıda olan informasiya müəyyən olunmuş müddətlərdə yeni elektron daşıyıcısına köçürülməlidir.
3.3. Elektron sənədlərin saxlanılması zamanı müvafiq uçot jurnallarının, elektron imza yoxlama məlumatlarının (onların sertifikatının) aparılmasını və elektron imzaların yoxlanılmasını təmin edən proqramların saxlanması təmin olunmalıdır.
3.4. Elektron sənədlərin saxlanılması zamanı münaqişəli vəziyyətlərin araşdırılmasının həyata keçirilməsi üçün elektron sənədlər və müvafiq elektron imza yoxlama məlumatları arasında bağlılıq (sinxronlaşdırma) təmin edilməlidir.
3.5. Elektron arxivlər icazəsiz müdaxilədən, təsadüfi məhv və ya təhrif olunmadan mühafizə edilməlidir.
4.1. Arxivə icra olunmuş daimi, müvəqqəti saxlanılan və şəxsi heyət üzrə sənədlər təhvil verilir. Onların təhvil verilməsi tərtib edilmiş siyahılar üzrə aparılır.
4.2. Sənədlər, tərtibinin düzgünlüyü yoxlanıldıqdan və sistemləşdirildikdən sonra saxlama vahidi kimi nömrələnərək daimi və uzunmüddətli saxlanılmalı saxlama vahidlərinin siyahılarına daxil edilir. Daimi və uzunmüddətli saxlanılmalı saxlama vahidlərinin siyahıları ayrı-ayrılıqda hazırlanır.
4.3. İcra olunmuş uzunmüddətli (10 ildən çox) və daimi saxlanılan sənədlərdən ibarət işlər Mərkəzi Bankın və bankların arxivlərinə (bundan sonra – idarə arxivlərinə) müvafiq struktur bölmələrdə iki illik saxlanma və istifadə müddəti qurtardıqdan sonra təhvil verilir.
4.4. Dövlət zəmanəti ilə alınan kreditlər və ya hər hansı digər xüsusi mənbələr hesabına həyata keçirilən layihələrlə bağlı malların alınması, işlərin görülməsi və xidmətlərin göstərilməsi üzrə müvafiq maliyyələşmə sənədləri layihə tam başa çatdıqdan sonra idarə arxivinə təhvil verilir.
4.5. Arxivə təhvil verilən işlərin üzərində onların bu Təlimata müvafiq saxlanma müddətləri göstərilir. Növbəti ilə adlayan işlər istisna olmaqla, bir ilin bütün sənədləri qovluqlarda formalaşdırılır. İşin vərəqləri sağ küncdən başlayaraq yuxarıdan aşağı nömrələnir. Bir qovluqdakı vərəqlərin sayı 250-dən çox olmamalıdır. Sənədlər qovluğa bir nüsxədə tikilir. Xidməti istifadə üçün nəzərdə tutulan sənədlərin və (və ya) onların saxlandığı qovluğun üzərinə “Xidməti istifadə üçün” qeydi yazılır. Fərdi məlumatları əks etdirən sənədlərin və (və ya) onların saxlandığı qovluğun üzərində “Xidməti istifadə üçün. Fərdi məlumatlar.” qeydi aparılır.
4.6. Ara qatları, metal bəndlər, pərçimlər qovluqdan çıxarılmalı və sənədlər ardıcıl tikilməlidir.
4.7. İdarə arxivində saxlanılan sənədlər müvəqqəti istifadə üçün yalnız rəhbər vəzifəli şəxslər tərəfindən imzalanmış tələbnamə (əlavə № 6) əsasında 5 iş günündən çox olmayan müddətə götürülə bilər. Tələbnamədə sənədlərin siyahısı göstərilir. Tələbnamə əsasında verilən sənədlər arxivin xüsusi qeydiyyat jurnalında təhvil alan şəxs tərəfindən imzalanmaqla arxiv işçisi tərəfindən qeydə alınır və göstərilən müddət ərzində geri qaytarılmasına nəzarət olunur.
4.8. Hüquq mühafizə orqanlarına arxivdən verilən sənədlər Azərbaycan Respublikasının Cinayət-Prosessual Məcəlləsinə uyğun olaraq tərtib edilmiş götürmə haqqında protokolla rəsmiləşdirilir. Məhkəmə işləri üzrə icraatla bağlı tələb olunan arxiv sənədləri məhkəməyə bankın müşayiət məktubu ilə təqdim edilir. Hüquq mühafizə orqanlarına və məhkəməyə verilən sənədlərin surəti üzərində müvafiq qeydlə idarə arxivində saxlanılır. Arxivdən verilən sənədlər arxivin xüsusi qeydiyyat jurnalında arxiv işçisi tərəfindən qeydə alınır.
4.9. Yenidən təşkil edilən bankların sənədləri siyahıya alınır və bankın hüquqi varisinə təhvil verilir.
4.10. Arxiv arayışlarının verilməsi, tərtib olunması və rəsmiləşdirilməsi zamanı aşağıdakılar nəzərə alınır:
4.10.1. arxiv arayışları təşkilatların fəaliyyət profilinə uyğun məsələlər üzrə onların sorğuları əsasında, vətəndaşlara isə onların hüquqlarının və qanuni mənafelərinin təmin edilməsi ilə əlaqədar məsələlər üzrə - onların ərizələri əsasında verilir;
4.10.2. arxiv arayışları idarə arxivində saxlanılan və ərizədə göstərilən məsələyə aid sənədlər (əsli və ya qanunvericiliyə uyğun olaraq təsdiq olunmuş surəti) əsasında tərtib edilir. Sənədlərin təsdiqlənməmiş surətlərindən istifadə edilməsi arayışın mətnində qeyd olunur (“təsdiqlənməmiş surət”);
4.10.3. arxiv arayışları arxivin aid olduğu bankın blankında sənədin “Arxiv arayışı” adını göstərməklə tərtib edilir (əlavə № 7). Arayışda sənədlərin adları, onların tarixləri göstərilir və bu sənədlərdəki məlumatlar ifadə edilir. Bu zaman hadisələri əks etdirən sənədlərin deyil, hadisələrin xronoloji ardıcıllığı gözlənilir. Arayışda dırnaq arasında göstərməklə sənədlərdən sitatlar gətirmək olar. Arayışın mətnində təşkilatların adları birinci dəfə tam yazılmalıdır, təkrar işlədilərkən onların rəsmən qəbul olunmuş qısaldılmış adlarının tətbiq edilməsinə yol verilir. Arayışın sonunda arxiv arayışının tərtib edilməsi üçün əsas olmuş sənədlərin arxiv şifrləri (fondların, iş siyahılarının və iş vərəqlərinin nömrələri) göstərilir;
4.10.4. arxiv arayışı bankın, yaxud idarə arxivinin daxil olduğu struktur bölmənin rəhbəri və arxiv müdiri (idarə arxivi üçün məsul şəxs) tərəfindən imzalanır. Arayış bankın möhürü ilə təsdiqlənir. Arxiv arayışının möhürsüz surəti işdə qalır;
4.10.5. sorğu edən şəxsin müraciəti ilə arxiv arayışında göstərilmiş məlumatları təsdiqləyən sənədlərin surətləri və ya onlardan çıxarışlar arayışa əlavə olunur;
4.10.6. idarə arxivində sorğu verilən məlumatları təsdiqləmək üçün sənədlər olmadıqda bankın blankında məktub tərtib edilir. Cavabda sənədlərin olmamasının səbəbləri göstərilir, arayış üçün hara müraciət etmək lazım gəldiyi barədə tövsiyələr verilir.
5.1. Bu Təlimatda nəzərdə tutulmayan və yeni aşkar olunmuş sənədlərin saxlanma müddətləri onların elmi və əməli dəyərinin ekspertizası nəticəsində müəyyən edilir.
5.2. Sənədlərin dəyərinin ekspertizası onları saxlanma müddəti üzrə ayırmaq və saxlamaq məqsədi ilə elmi və əməli əhəmiyyətini müəyyən etmək üçün aparılır.
5.3. Sənədlərin dəyərinin ekspertizası işi bilavasitə bankların kargüzarlığında və idarə arxivlərində həyata keçirilir.
5.4. Sənədlərin ekspertizasını həyata keçirmək, elmi-əməli əhəmiyyəti olan sənədləri daimi saxlanmaq üçün dövlət arxiv xidməti təşkilatına təhvil vermək, saxlama müddəti başa çatmış sənədləri isə məhv etmək üçün seçib ayırmaq və bu işləri rəsmiləşdirmək məqsədi ilə daimi fəaliyyət göstərən Ekspert Komissiyaları (EK), Mərkəzi Bankda, 5 və ondan yuxarı ayrıca bölməyə (filial, şöbəyə) malik olan banklarda isə sənədlərin ekspertizasını həyata keçirmək, tabeli təşkilatlarda ekspertiza işinə rəhbərlik və metodiki köməklik göstərmək məqsədi ilə daimi fəaliyyət göstərən Mərkəzi Ekspert Komissiyası (MEK) yaradılır.
5.5. MEK (EK)-in tərkibinə idarə arxivinin rəhbəri və bankın ixtisaslı və təcrübəli işçiləri, həmçinin müvafiq dövlət arxivinin nümayəndəsi (dövlət banklarında) daxil olmalıdırlar. Komissiyanın sədri bankın rəhbər işçiləri sırasından təyin edilir.
5.6. Sənədlərin ekspertizasının keçirilməsi ilə bağlı çətinliklər yaranarsa, bank rəhbərliyinin icazəsi ilə bu işə dövlət arxiv xidməti təşkilatının qanunvericiliklə müəyyən edilmiş qaydada məlumat daşıyıcıları ilə işləməyə buraxılmış mütəxəssisləri cəlb edilə bilər.
5.7. Ləğv edilən banklarda ekspert komissiyasının səlahiyyətlərini ləğvetmə komissiyası və ya ləğvedici həyata keçirir.
5.8. MEK (EK) aşağıdakı səlahiyyətləri həyata keçirir:
5.8.1. dövlət arxivinə veriləcək işlərin, habelə şəxsi heyət üzrə idarə arxivində saxlanacaq işlərin siyahılarını (əlavə № 5) hər il nəzərdən keçirir və həmin siyahıların dövlət arxiv xidməti təşkilatının Ekspert Yoxlama Komissiyasına (EYK) təqdim edilməsi barədə qərar çıxarır. Ekspert komissiyasının qərarı bankın rəhbəri tərəfindən təsdiq edilir;
5.8.2. bankın ayrıca bölmələrinin sənədləri də daxil olmaqla məhv etmək üçün ayrılmış sənədlərin məhv olunması aktlarına baxır və sənədlərin məhv olunması barədə qərar qəbul edir;
5.8.3. sənədlərin ayrı-ayrı kateqoriyasının bu Təlimatla müəyyən edilmiş saxlanma müddətlərinin artırılması, habelə yeni aşkar olunmuş sənədlərin saxlanma müddətləri barədə təkliflərə baxır, bu sənədlərin elmi-əməli əhəmiyyətini müəyyən edir və müvafiq qərar qəbul edir;
5.8.4. arxiv və kargüzarlıq işi üzrə bankın daxili qaydalarının, digər metodiki vəsaitlərin layihələrinin hazırlanması və baxılmasında iştirak edir;
5.8.5. bankın təşkilati strukturunda ləğv edilən bölmələrdə sənədlərin elmi-texniki cəhətdən işlənib siyahıya alınmasını və idarə arxivinə təhvil verilməsini təmin edir.
6.1. Mərkəzi Bankın və digər dövlət banklarının bu Təlimata müvafiq olaraq daimi saxlanılmalı sənədləri “Milli arxiv fondu haqqında” Azərbaycan Respublikasının Qanunu ilə müəyyən edilmiş müddətdə müvəqqəti saxlanıldıqdan sonra siyahı üzrə dövlət arxiv xidməti təşkilatına təhvil verilir. Qeyri-dövlət arxiv fondunun mülkiyyətçiləri olan banklar daimi saxlanılmalı sənədləri həmin sənədlərin dəyərinin ekspertizasından sonra dövlət arxiv xidməti təşkilatı ilə müqavilə əsasında dövlət arxivinin mühafizəsinə verə bilər.
6.2. Dövlət arxivinə sənədlər dövlət arxiv xidməti təşkilatının Ekspert-Yoxlama Komissiyasının (EYK) təsdiq etdiyi siyahılar üzrə qəbul olunur. Sənədlərin dövlət arxivinə qəbulu iki nüsxədə tərtib olunan təhvil-təslim aktı (əlavə № 3) ilə rəsmiləşdirilir.
6.3. Sənədlərin daimi saxlanmaq üçün seçilməsi işə vərəq-vərəq baxmaqla həyata keçirilir. Sənədlərin özünə baxmadan, işlərin sərlövhəsi üzrə seçilməsinə yol verilmir.
6.4. Mərkəzi Bankın ərazi idarələrinin, bankların filial, şöbə və nümayəndəliklərinin sənədləri müvafiq olaraq Mərkəzi Bankın və bankların arxiv fondunun tərkibində dövlət arxivinə təhvil verilir.
6.5. Sənədlərin dövlət arxivinə verilməsi barədə MEK(EK)-in qərarı bankın rəhbərliyi tərəfindən təsdiq edilir.
6.6. İdarə arxivləri daimi saxlamaq üçün dövlət arxivlərinə verilməli olan işlərin siyahısını iki nüsxədə (elmi-texniki sənədlər üçün üç nüsxə) tərtib edir, Mərkəzi Ekspert Komissiyasının iclasında müzakirə olunur, onun üzvləri tərəfindən imzalanır və onları qəbul edəcək dövlət arxiv xidməti təşkilatının Ekspert-Yoxlama Komissiyasının təsdiqinə göndərir. Təsdiq edildikdən sonra həmin siyahıların bir nüsxəsi nəzarət sənədi kimi dövlət arxivində saxlanılır, digər nüsxələri isə idarənin arxivinə qaytarılır. Sənədlərin dövlət mühafizəsinə qəbulu həmin siyahılar üzrə aparılır. Şəxsi heyətə aid uzun müddət saxlanmalı olan sənədlərin siyahısı dövlət arxiv xidməti təşkilatının EYK-i ilə razılaşdırılır və idarənin rəhbəri tərəfindən təsdiq edilir.
6.7. Ləğv edilən bankın saxlanma müddəti başa çatmamış və ya daimi saxlanmalı olan sənədləri mühafizə üçün Azərbaycan Respublikası Nazirlər Kabinetinin 2000-ci il 6 mart tarixli, 32 nömrəli qərarı ilə təsdiq edilmiş “Arxivlərin, arxiv fondlarının və sənəd kolleksiyalarının Milli arxiv fondunun tərkibinə daxil edilməsi, bu tərkibdən çıxarılması və ya məhv edilməsi Qaydası”na müvafiq qaydada dövlət arxiv xidməti təşkilatına təhvil verilir.
7.1. Saxlanma müddəti başa çatmış sənədlər məhv edilmək üçün ayrılır, müvafiq akt (əlavə № 2) tərtib olunur, bankın MEK (EK)-in sədri və üzvləri tərəfindən imzalanır, bankın rəhbəri tərəfindən təsdiq olunur və sənədlərin məhv edilməsinə icazə almaq üçün dövlət arxiv xidməti təşkilatına təqdim olunur. Dövlət arxiv xidməti təşkilatının icazəsi olmadan arxiv sənədləri məhv edilə bilməz.
7.2. Sənədlərin məhv etmək üçün seçilməsi işə vərəq-vərəq baxmaqla həyata keçirilir. Sənədlərin özünə baxmadan, işlərin sərlövhəsi üzrə seçilməsinə yol verilmir.
7.3. Akt dövlət arxiv xidməti təşkilatı tərəfindən təsdiq edildikdən sonra aktda göstərilən sənəd və işlər məhv edilir. Sənədlər təkrar xammal tədarükü məntəqələrinə verilir, yaxud bankın özü tərəfindən məhv edilir. Sənədlərin təkrar xammal tədarükü məntəqələrinə təhvil verilməsi təhvil-təslim sənədi ilə, məhv edildikdə isə aktla rəsmiləşdirilir.
7.4. Məxfi kargüzarlıq sənədləri və bank sirri daşıyan sənədlər onların bərpa olunmasını istisna edən üsulla (yandırılma, doğranılma, məhlulda həll edilmə və ya bu məqsədlə başqa üsullarla) məhv edilməlidir.
7.5. Saxlanma müddəti başa çatmamış sənədlər məhv edilə bilməz.
7.6. Bu Təlimata əsasən daimi saxlanılmalı, lakin elmi-əməli əhəmiyyətini itirmiş sənədlər bankın MEK (EK)-in qərarı və dövlət arxiv xidməti təşkilatının icazəsi ilə məhv edilə bilər.
7.7. Sənədlər zədələndikdə (yanрэn, təbii fəlakət və ya digər səbəblər) və onun bərpasэ qeyri-mьmkьn olduqda məhv etmək ьзьn ayrэla bilər. Bu cьr sənədlər mьvafiq aktla (əlavə № 4) rəsmiləєdirilir, baxэlmaq və təsdiq edilmək ьзьn dцvlət arxiv xidməti təєkilatэnэn Mərkəzi Ekspert-Yoxlama Komissiyasэna (MEYK) gцndərilir. Həmin aktlar MEYK tərəfindən təsdiq edildikdən sonra orada gцstərilən iєlər və sənədlər məhv edilir.
8.1. Bu Təlimata 1 №-li Əlavədə (Siyahıda) sənədlərin saxlanma müddətləri müəyyən olunur. Siyahıda işlərin konkret sərlövhələri verilmir, yalnız sənədlərin kateqoriyaları və növləri sadalanır.
8.2. Siyahı Mərkəzi Bankın və bankların fəaliyyətinin əsas məsələlərinə müvafiq olan bölmələrdən ibarətdir.
8.3. Bank sisteminin strukturuna uyğun olaraq bu Siyahıda sənədlərin saxlanma müddətləri aşağıdakılar üzrə dörd sütunda (3, 4, 5, 6 sütunlar) müəyyən edilir:
8.3.1. üçüncü sütunda – Mərkəzi Bankın mərkəzi aparatı;
8.3.2. dördüncü sütunda – Mərkəzi Bankın ərazi idarələri;
8.3.3. beşinci sütunda – banklar, bank olmayan kredit təşkilatları, xarici bankların yerli filialları;
8.3.4. altıncı sütunda – bankların, bank olmayan kredit təşkilatlarının filial, şöbə və nümayəndəlikləri.
8.4. Saxlanma müddəti müvəqqəti olan sənədlərin bəzi kateqoriyalarına qoyulmuş “EYK” qeydi bu növ sənədlərin bir hissəsinin elmi-tarixi əhəmiyyət kəsb edə biləcəyini və onların müəyyən edilmiş qaydada dövlət arxivinə veriləcəyini bildirir. “EYK” qeydi olan sənədlərin qəbulu, yaxud məhv edilməsi haqqında qərarı dövlət arxivinin EYK-i qəbul edir.
8.5. “Lazım olanadək” qeydi onu bildirir ki, sənədlər məhdud əməli əhəmiyyətə malikdir. Onların saxlanma müddətini banklar özləri müəyyən edirlər.
8.6. Bu Təlimatın 8.7-ci bəndində nəzərdə tutulmuş hallar istisna olmaqla sənədlərin saxlanma müddəti onların kargüzarlıq müddəti qurtardığı ildən sonrakı il yanvarın 1-dən hesablanır. Məsələn, 2000-ci ildə kargüzarlıq müddəti qurtarmış işlərin saxlanma müddəti 2001-ci il yanvarın 1-dən hesablanır.
8.7. Müştərinin eyniləşdirmə sənədlərinin saxlanma müddəti müştəri ilə hüquq münasibətlərinə xitam verildiyi gündən, müştəri tərəfindən həyata keçirilmiş pul vəsaitləri və ya digər əmlakla əməliyyatlara dair sənədlərin isə əməliyyat başa çatdığı gündən hesablanır.
8.8. Arxiv sənədi kimi saxlanılan uçot kitabları, qeydiyyat jurnalları və digər toplu sənədlərin saxlanma müddətləri həmin kitabda və jurnalda sonuncu qeydiyyat tarixindən sonra hesablanır.
“Azərbaycan Respublikasının bank sistemində arxiv işinin aparılması haqqında Təlimat”a 1 №-li Əlavə
Mərkəzi Bankın Azərbaycan Respublikası Prezidentinə verdiyi hesabatlar
Azərbaycan Respublikasının qanunları, Azərbaycan Respublikası Prezidentinin fərmanları və sərəncamları, Azərbaycan Respublikası Milli Məclisinin qərarları:
2.1. bank fəaliyyətinə dair olanlar;
2.2. məlumat üçün göndərilənlər.
Azərbaycan Respublikası Nazirlər Kabinetinin qərarları və sərəncamları:
3.1. bank fəaliyyətinə aid olanlar;
3.2. məlumat üçün göndərilənlər.
Azərbaycan Respublikası Nazirlər Kabinetinin tapşırıqları:
4.1. bank(lar)ın fəaliyyətinin əsas məsələləri barədə;
4.2. məlumat və razılaşdırılmaq üçün göndərilənlər.
Dövlət hakimiyyəti orqanlarına verilən təşəbbüs təklifləri, təqdimat və layihələr üçün materiallar və dövlət hakimiyyəti orqanlarının müraciətlərinə əsasən münasibət bildirilmiş layihələr və digər aidiyyəti məsələlər üzrə rəy və təkliflər
Nazirlər Kabinetinin iclasları və mərkəzi icra hakimiyyəti orqanları tərəfindən təşkil edilən tədbirlər üçün bankların fəaliyyəti məsələləri barədə arayışlar
Dövlət hakimiyyəti orqanlarının tapşırıqları; tapşırıqların yerinə yetirilməsi üzrə sənədlər (icmallar, məruzələr, hesabatlar, arayışlar)
Bank rəhbərlərinin əmr və sərəncamları
(178-ci maddədə nəzərdə tutulan sənədlər istisna olmaqla)
İdarəetmə orqanlarının iclas protokolları
İdarəetmə orqanlarının iclaslarında müzakirə olunan məsələlərə dair ma-teriallar
Mərkəzi Bankın normativ xarakterli aktları
Azərbaycan Respublikası dövlət hakimiyyəti və bələdiyyə orqanlarının məlumat və rəhbərlik üçün göndərdikləri təlimatlar, qaydalar və metodiki göstərişlər
Qaydaların, təlimatların, əsasnamələrin və metodiki göstərişlərin layihələri, onların işlənib hazırlanması üzrə sənədlər (rəylər, təkliflər, arayışlar, bildirişlər)
Bank fəaliyyətinə dair Azərbaycan Respublikası qanunlarının, Azərbaycan Respublikası Prezidentinin fərman və sərəncamlarının yerinə yetirilməsinin yoxlanması haqqında sənədlər (məruzələr, arayışlar, xülasələr, aktlar)
Bank işçilərinin iclas və digər toplantılarının protokol və stenoqramları, protokollara aid materiallar
Lisenziya (icazələr) verilməsinə və ləğvinə dair sənədlər
Təşkilatın yenidən təşkili, ləğv edilməsi, adının dəyişdirilməsi, bir yerdən başqa yerə köçürülməsi, mülkiyyət formasının dəyişilməsi (özəlləşdirilməsi) haqqında sənədlər
Bankların mühüm iştirak payının sahibləri, törəmə təsərrüfat cəmiyyətləri, iştirak etdiyi hüquqi şəxslərlə bağlı sənədlər
Bank lisenziyalarının və icazələrinin reyestri
Bankların idarəetmə orqanlarının iclaslarının çağırılmasına dair sənədlər
Qurultayların, konqreslərin, simpozi-umların, konfransların, müşavirələrin, seminarların keçirilməsi haqqında sənədlər (gündəliklər, yazışma, bildirişlər):
22.1. işlənib hazırlandığı yerdə;
22.2. başqa təşkilatlarda.
Bank fəaliyyəti üzrə dövlət hakimiyyət orqanlarına təqdim edilən sənədlər (məruzələr, bildirişlər, arayışlar, icmallar)
Bankın fəaliyyətinin planlaşdırılmasına dair sənədlər (strateji plan, strateji baxış, missiya hesabatı) və həmin sənədlərin icrası barədə hesabatlar:
Təşkilati struktur bölmələrin əsasnamələri, vəzifə təlimatları
Bank inzibatçılarının Mərkəzi Bankda attestasiya sənədləri
Rəhbər işçilərin və maddi-məsul şəxslərin işlərinin, qiymətlilərin təhvil-təslim aktları və onlara aid materiallar:
27.1. rəhbər işçilərin;
27.2. maddi-məsul şəxslərin.
İşəgötürənin Həmkarlar ittifaqı komitəsi ilə müqavilələri, sazişləri (kollektiv müqavilə, Tarif saziş)
Həmkarlar ittifaqı komitəsinin iclas protokolları və onlara aid sənədlər
Həmkarlar ittifaqı komitəsinin mühasibat sənədləri
Həmkarlar ittifaqı komitəsinin digər təşkilatlarla yazışması barədə sənədlər
Təşkilati məsələlər barədə banklarla yazışma
Struktur bölmələr arasında yazışma
Siqnalizasiya və mühafizə məsələləri ilə bağlı sənədlər və yazışma
Yoxlama və auditlə bağlı sənədlər (inspeksiya hesabatı, audit rəyi, arayışlar, izahatlar, auditə dair müqavilələr və bununla əlaqədar digər materiallar):
35.1. Mərkəzi Bank tərəfindən aparılan;
35.2. Mərkəzi Bankın daxili auditi tərəfindən aparılan;
35.3. bankın daxili audit bölməsi (təftiş komissiyaları) tərəfindən aparılan;
35.4. kənar audit tərəfindən aparılan:
35.4.1. Mərkəzi Bankda aparılan;
35.4.2. banklarda aparılan;
35.5. digər dövlət orqanları tərəfindən aparılan.
Nəzarət və auditlə bağlı verilən göstərişlərə dair sənədlər
Yoxlamaların nəticələri üzrə yerinə yetirilən işlər barədə sənədlər (bildirişlər, arayışlar, yazışmalar)
Banklara və bank inzibatçılarına qarşı tətbiq edilmiş təsir (təshih) və sanksiya tədbirlərinə dair materiallar
Cinayət xarakterli əməllər barədə məlumatlar, arayışlar və digər sənədlər
Dövlət orqanları ilə yazışma:
40.1. Azərbaycan Respublikasının Prezidenti və onun Administrasiyası, Milli Məclis və onun Aparatı, Nazirlər Kabineti ilə;
40.2. digər dövlət orqanları ilə.
Vətəndaşların, müştərilərin təklif, ərizə və şikayətləri üzrə yazışma:
41.1. işin əsaslı surətdə dəyişdirilməsi, yaxud ciddi çatışmazlıqlar və sui- istifadələrin aradan qaldırılması haqqında;
41.2. şəxsi və ikinci dərəcəli məsələlər haqqında.
Vətəndaşların, müştərilərin təklif, ərizə və şikayətlərinə baxılması işinin vəziyyəti haqqında sənədlər (analitik arayışlar, bildirişlər, təhlillər)
Vətəndaşların, müştərilərin ərizə və şikayətlərinin yoxlanılması barədə yazışmalar
4. Beynəlxalq əməkdaşlıq
Fəaliyyətin müxtəlif sahələri ilə bağlı xarici və beynəlxalq təşkilatlarla əməkdaşlığa dair sənədlər
Xarici nümayəndə heyətləri ilə görüşlər barədə materiallar (məruzələr, hesabatlar, arayışlar, protokolar)
Beynəlxalq maliyyə təşkilatları ilə xüsusi yazışmalar (niyyət məktubları, missiyaların yaddaş qeydləri)
Beynəlxalq maliyyə təşkilatları və xarici mərkəzi banklarla adi yazışma
Hər il üçün pul siyasətinin əsas istiqamətləri
Pul-kredit məsələləri üzrə dövlət hakimiyyəti orqanları ilə və digər təşkilatlarla yazışmalar
Pul islahatlarının keçirilməsinə dair sənədlər
Mərkəzi Bankın pul proqramı:
Mərkəzi Bankın əsas pul-kredit göstəriciləri
Dövlət orqanlarına kreditlərin verilməsinə dair sənədlər
Xarici banklardan, hökumətlərdən və digər xarici, beynəlxalq qurumlardan alınan kreditlərin rəsmiləşdirilməsinə dair sənədlər
Kredit dosyesinə aid sənədlər: kredit və təminat müqavilələri, qarantiyalar, borcalanın ödəmə və maliyyə vəziyyəti barədə məlumat, təminatın qiymətləndirilməsinə dair sənədlər, kreditin istifadəsinə nəzarətin nəticələri, kreditin ödənilməsi barədə bank sənədləri və kredit dosyesinə aid digər sənədlər
Kassa mədaxil cədvəlləri və kreditlər haqqında xəbərdarlıqlar
Mərkəzləşdirilmiş kredit reyestrinin məlumatları
Mərkəzləşdirilmiş kredit reyestri üzrə yazışmalar
Maliyyələşdirmənin bütün növləri üzrə açılmış kreditlərin ümumi cədvəlləri
Bank işinin ayrı-ayrı sahələri üzrə iqtisadi araşdırmalar və tədqiqat materialları
Qiymətli kağızların buraxılışı və dövlət qeydiyyatı ilə bağlı sənədlər (emissiya prospekti, emissiyanın yekunları haqqında hesabat və digər sənədlər)
Qiymətli kağızlar bazarında iştiraka dair lisenziya və onunla bağlı sənədlər
Qiymətli kağızların reyestri
Qiymətli kağızların alınması və satılması ilə bağlı əqdlərə dair sənədlər:
64.1. dövlət qiymətli kağızları;
64.2. digər emitentlərin qiymətli kağızları.
Dividendlərin hesablanmasına dair sənədlər (hesablamalar, arayışlar, rəylər)
Bankın öz səhmdarlarından səhmlərin satın alınmasını rəsmiləşdirən sənədlər
Pul nişanlarının buraxılması ilə bağlı sənədlər və yazışma (qərarlar, müqavilələr, çap fabrikindən alınması barədə sənədlər, pulun gətirilməsi ilə bağlı tərtib olunan aktlar və digər sənədlər)
Ehtiyat fondlarının yaradılması barədə sənədlər
Mərkəzi Bank və onun qurumlarında ehtiyat fondlarının qalıqları barədə hesabatlar
Mərkəzi Bankın ərazi idarələri üzrə ehtiyat fondların uçotu barədə şəxsi hesablar
Aylıq ehtiyat fondları üzrə uçot kitabı
Saxta kağız və metal pulların ekspertiza rəyləri və bununla əlaqədar sənədlər (yazışmalar, aktlar, ərizələr, cədvəllər)
Tədavüldən çıxarılmış pul nişanlarının məhv edilməsi barədə sənədlər və yazışmalar:
73.1. aktlar və icmal aktlar;
Gündəlik dövriyyə və qalıqlar haqqında məlumat
Ehtiyat fondunun uçot kitabları:
75.1. dövriyyədə olan pul nişanları üçün;
75.2. çap fabriklərindən daxil olmuş pul nişanları üçün;
75.3. məhv edilməyə ayrılmış pul nişanları üçün;
75.4. saxta pul nişanları üçün;
75.5. pul nişanlarının nümunələri üçün;
75.6. Mərkəzi Bankın qurumlarında ehtiyat fondlarının uçotu kitabı.
Anbarda olan qiymətlilərin uçotu kitabı
Xəzinənin uçotu kitabı
Emissiya və kassa əməliyyatları üzrə günün sənədləri (tapşırıqlar, siyahılar, balans və balansdankənar mədaxil və məxaric orderləri, məxaric kassası kassirinin təhtəlhesab aldığı və məxaric etdiyi nağd pulların məbləği haqqında arayış)
79.1. xəzinədəki qiymətlilərin dövriyyə kassası uçotu üçün;
79.2. xəzinədən və ehtiyat fondundan qiymətlilərin çıxarılması üçün;
79.3. qəbul olunmuş və verilmiş pulların və digər qiymətlilərin uçotu üçün;
79.4. ehtiyat fondunun uçotu üçün;
79.5. xarici valyutanın uçotu üçün;
79.6. pul saxlanılan yerlərin açılması, bağlanması və möhürlənməsi barədə qeydiyyat kitabı;
79.7. pul saxlanılan yerdə olan nağd pulun və digər qiymətlilərin uçotu kitabı
Möhürlər, açarlar, plombirlər, klişelər və ştampların qeydiyyat kitabları
Nağd pul və digər qiymətlilərin sayılması və bu zaman aşkar edilən kənarlaşmalara dair aktlar, yazışmalar
Kassa xidməti ilə bağlı müştərilərlə yazışma
Kassanın (xəzinənin) qəfil yoxlama aktları
Xatirə sikkələri üzrə uçot kitabı
Saxlanca qoyulmuş sənədlər və qiymətlilər üzrə uçot kitabı
Yolda olan sənədlər və qiymətlilər üzrə uçot kitabı
Ciddi hesabat blankları üzrə uçot kitabı
Digər sənədlər və qiymətlilər üzrə uçot kitabı
Digər memorandum hesablar üzrə uçot kitabı
Anbarların açılması, bağlanması və möhürlənməsi jurnalı
Nağd pul və qiymətlilərin formalaşdırılması, nəzarət məqsədi ilə yenidən sayılması və yoxlanmaq (təftiş) üçün anbardan çıxarılmasının və yenidən anbara qaytarılmasının uçotu kitabı
Qəbul edilmiş və təhvil verilmiş nağd pulun və qiymətlilərin uçotu kitabı
Xəzinə saxlanclarına daxil olan kənar şəxslərin uçotu kitabı
Xəzinə departamentinin ehtiyat fondunda olan nağd pulun küpürlər üzrə qalığına dair hesabat (aylıq)
Silahların alınması, verilməsi, saxlanması və uçotu məsələləri barədə sənədlər və yazışma
Silah və döyüş sursatının verilməsi və qəbulunun uçot jurnalı
Qiymətlilərin inkassasiyası ilə bağlı müqavilələr
Qiymətlilərin inkassasiyası ilə bağlı yazışma
Qiymətlilərin inkassasiyası üzrə tapşırıqların yerinə yetirilməsi sənədləri
Qiymətlilərin inkassasiyası üçün verilən etibarnamələr
1. Beynəlxalq hesablaşmalar
Xarici banklarla müxbir münasibətlərə və başqa əməliyyatlara dair sənədlər və yazışmalar
Sənədli akkreditiv, yol çekləri və digər ödəniş vasitələrinə dair sənədlər və yazışmalar
Xarici valyutaların milli manata nisbətən məzənnələri barədə məlumatlar
Bankların vəzifəli şəxslərinin xarici müxbir banklara göndərilmiş imza nümunələri
Xarici valyuta əməliyyatlarının aparılmasına dair verilmiş icazələr
Rezident və qeyri-rezidentlərin xarici valyuta hesabları üzrə aparılan əməliyyatları təsdiq edən sənədlər
Qeyri-rezidentlərlə valyuta əməliyyat-larına dair aylıq hesabatları (f.1-TB)
Hesabat-tədiyə balansı:
109.2. rüblük (tədiyə balansına dair digər materiallar).
Bankın mübadilə şöbəsində aparılan əməliyyatlara dair sənədlər
Xarici valyutalara sifarişlər
Xarici dövlətlərlə xarici valyuta hesablaşmaları haqqında arayışlar:
Kapital ehtiyatlarının uçotu üzrə şəxsi hesablar
Əmanət hesabları üzrə əməliyyat və mühasibat sənədləri
Milli və xarici valyuta ilə əməliyyatlar üzrə şəxsi hesablar, dövriyyə-qalıq cədvəlləri, kartoçkalar, qalıq cədvəlləri, balans və balansdankənar hesabların analitik uçotu üzrə kitab və jurnallar
Əməliyyat işçilərinin dəyişməsi zamanı şəxsi hesabların, öhdəliklərin və digər materialların təhvili kitabları, bank işçilərinin imza nümunələri
Açılmış hesabların analitik uçotu üzrə qeydiyyatı kitabları
Milli və xarici valyutada memorial və kassa sənədləri (əməliyyat gününün sənədləri) və müştərilərin ödəniş sənədləri (ödəniş tapşırıqları, köçürmə ərizələri, svift bildirişləri, məktublar, birja şəhadətnamələri və digər ödəniş sənədləri)
Hesab açılmadan pul köçürmələri sənədləri (o cümlədən sürətli ödəniş sistemi vasitəsilə)
Mühasibat qeydiyyatı üçün əsas olan, təsərrüfat əməliyyatının aparılmasını qeydə alan ilkin sənədlər və onlara aid əlavələr (kassa, bank sənədləri, bank xəbərdarlığı və köçürmə tələbnamələri, bank çıxarışları, iş naryadları, cədvəllər, əmlak və materialların qəbulu, təhvil verilməsi və hesabdan silinməsi aktları, qiymətli əmtəə-materialların uçotu üzrə qəbz və qaimələr, avans hesabatları və başqaları)
Müştərilərin bank hesablarına yönəldilmiş icra sənədləri
Müştərilərin hesabları üzrə bank çıxarışları
Şəxsi hesablardan çıxarışların alınma-sının uçot kartoçkaları, çıxarışı almaq üçün müştərilərin etibarnamələri
Pul məbləğlərinin və qiymətli əmtəə-materialların alınmasına etibarnamələr (o cümlədən ləğv edilmiş etibarnamələr)
Uçot registrləri (baş kitab, jurnal-orderlər, qruplaşdırma sənədləri, memorial köməkçi və nəzarət kitabları, kassa kitabı, hesabların, kassa orderlərinin, etibarnamələrin, ödəniş tapşırıqlarının və digər sənədlərin qeydiyyatı üçün jurnal və kitablar)
Azərbaycan Respublikasının Mərkəzi Bankı yanında Maliyyə Monitorinqi Xidmətinə təqdim olunan məlumatlar
Gündəlik balanslar və mühasibat jurnalları
Ayın 1-i tarixinə balans və balansdan-kənar hesablar üzrə üzləşdirmə vərəqələri və yoxlama cədvəlləri
Kompüterdə tərtib edilmiş gündəlik yoxlama cədvəlləri
Hesab fakturalar üzrə ödənişlər (memorial orderlərlə birlikdə)
Əmək haqları üzrə şəxsi hesablar
Əmək haqqı və əmək haqqına bərabər tutulan haqların ödəniş cədvəlləri və hesabatlar
Əmək haqqından müxtəlif tutulmalar üzrə yazışma, məhkəmələrin qərarları, icra vərəqələri və cədvəllər
Əmək haqqı məsrəfləri üzrə məlumatlar, əmək haqqından tutulmalar, sosial sığortaya ayırmalar, məzuniyyətlərin ödənilməsi, son haqq-hesabların verilməsi və digər bu kimi işləri özündə əks etdirən sənədlər
Məzuniyyətlərin ödənilməsi və vergi güzəştlərindən istifadə ilə bağlı mühasibata təqdim edilən sənədlər
Cari büdcə əməliyyatları haqqında maliyyə orqanları ilə yazışma; cari və hesablaşma hesablarının vəziyyəti və bağlanması haqqında yazışma
Ödənməmiş hesablar və bankların hesabları ödəməkdən imtina etməsi barədə yazışma
Bağlanmış hesab üzrə icra olunmamış ödəniş sənədlərinin başqa banka təhvil verilməsi barədə aktlar və digər sənədlər
Bank hesablarının rəsmiləşdirilməsinə dair hüquqi sənədlər və müştərilərin ləğv olunmuş imza (möhür) nümunələri vərəqələri
Əməliyyat (ödəniş) sistemlərində müştəri və hesabların qeydiyyatı üzrə verilmiş sifarişlər
İnkasso əməliyyatları və qarşılıqlı he-sablaşmalar üzrə qeydiyyat jurnalları, reyestrlər və digər sənədlər
Pensiya və müavinətlərin verilməsi vərəqələri və ödəniş sənədləri
Bank əməliyyatları üzrə yazışma
Müxbir hesablar üzrə qalıqların təsdiqi cədvəlləri
Müxbir hesablar üzrə üzləşdirmə cədvəlləri
Maddi dəyərlilərin anbar uçotu kartoçkaları
İnventarın qəbulu, yoxlanması və inventarizasiya aktları, əmlakın balansdan silinməsi aktları və bunlara dair yazışma
Əsas vəsaitlərin inventar kartoçkaları və uçotu kitabları
Bank qarantiyaları və zəmanətləri
Ciddi qorunan hesabat blanklarının surətləri və buna aid yazışma
Ümidsiz borcların silinməsinə dair sənədlər
Satınalmalara dair müqavilələr və digər sənədlər
Xəstəlik vərəqələri və əmək qabiliyyətinin itirilməsi barədə arayışlar
Yanacaq-sürtkü materiallarının aylıq sərfinə dair aktlar
Bankların icmal maliyyə hesabatları (eyni zamanda balansdankənar hesablar üzrə balanslar):
Təhvil-qəbul, bölüşdürmə, ləğvetmə balansları və onlara aid əlavələr, izahatlar
İllik hesabatların və balansların işlənib hazırlanması üzrə analitik cədvəllər
Maliyyə-iqtisadi və konyunktura icmalları
Büdcə və ona əlavələr
Büdcənin icrası barədə hesabatlar:
Maliyyə planları və onlara aid sənədlər (nəticələr, hesablamalar, arayışlar, çıxarışlar):
161.2. rüblük və aylıq.
Dövlət büdcəsinin, Naxçıvan Muxtar Respublikası büdcəsinin kassa icrası barədə ümumi hesabatlar:
Mühasibat uçotuna dair yazışma (uçot-əməliyyat və ümumi məsələlər barədə)
Bankların prudensial hesabatları və onlarla bağlı yazışma
Bank statistikası hesabatları və onlarla bağlı yazışma
Prudensial və statistik hesabatlar əsasında hazırlanmış icmal cədvəllər və məlumatlar
Bankların aylıq kassa dövriyyələri barədə hesabat
Dövlət statistika orqanları ilə statistik hesabatların tərtibi, təqdim edilməsi barədə yazışma
Elektron imza sertifikatı
İnformasiya texnologiyaları sahəsində sertifikatlar və istifadə olunan proqramların lisenziyaları
Proqramların ilkin kodları
Bank işlərinin avtomatlaşdırılması məsələlərinə dair yazışma
Proqram vəsaitlərinin təhvil-təslimi və tətbiqi aktları
Videofilmlər, fotoşəkillər və bank fəaliyyəti haqqında televiziya verilişlərinin lentləri
Bank xidmətlərinə dair yayımlanmış reklam materialları
İnsan resursları ilə iş üzrə illik hesabatlar
Təsdiq olunmuş ştat cədvəlləri
Bank rəhbərlərinin əmr və sərəncamları:
178.1. şəxsi heyət üzrə;
178.2. məzuniyyətlər, ezamiyyətlər, işə davamiyyət və buna bənzər məsələlər haqqında.
İşçilərin şəxsi işləri (anketlər, tərcümeyi-hallar, işə qəbul, yerdəyişmə və işdən azad etmək haqqında əmrlər, şəxsi sənədlərin surətləri, xasiyyətnamələr, əmək müqavilələri, tam maddi məsuliyyət haqqında müqavilələr, attestasiya vərəqələri, qiymətləndirmə vərəqələri, təltiflər və şəxsi işdə olan digər sənədlər)
İşçilərin şəxsi kartoçkaları
Əmək kitabçalarının və onlara qoşmaların hərəkətinin uçot kitabları
Əmək kitabçaları (tələb olunmayanlar)
Əmək kitabçalarının arxivdən verilməsi barədə aktlar və yazışma
İşçilərin attestasiyası ilə bağlı sənədlər:
184.1. attestasiya komissiyasının protokolları;
184.2. attestasiyaların keçirilməsi cədvəlləri;
184.3. attestasiya komissiyasının qərarları ilə razılaşmamaq haqqında ərizələr, onların müzakirə edilməsi barədə sənədlər (arayışlar, rəylər və digər yazışmalar).
Kollektiv müqavilələr
Motivasiya tədbirlərinə dair sənədlər
İnsan resursları və əmək haqqı məsələləri ilə bağlı yazışma
Təhsil və xidməti ezamiyyətlə bağlı sənədlər və digər materiallar
Məzuniyyətlərin verilməsi cədvəli
İşə qəbul edilməyən şəxslərin ərizələri, anketləri və digər sənədləri
İstehsalat təcrübəsinin keçirilməsi barədə təhsil müəssisələri ilə yazışma
İnsan resurslarının idarə edilməsi üzrə komissiya və komitələrin iclas protokolları
İşçilərin sayı, əmək haqqı və hərəkəti haqqında statistik hesabatlar
İş yeri attestasiyası nəticələrinə dair sənədlər
Çağırışçıların və hərbi vəzifəlilərin hərbi uçotu və təxsis (bron) edilməsi barədə müvafiq dövlət orqanı və tabeli qurumlar ilə yazışma
Çağırışçıların və hərbi vəzifəlilərin hərbi uçot vərəqələri, hərbi uçotunun və təxsis (bron) edilmə vəziyyətinin yoxlanılması jurnalları
Çağırışçıların və hərbi vəzifəlilərin hərbi uçot vərəqələrinin və hərbi qeydiyyat sənədlərinin (ilkin hərbi qeydiyyata alınma haqqında vəsiqələr, hərbi biletlər) qeydiyyat kitabları
Səfərbərlik sərəncamı almış şəxslərin qeydiyyat kitabları
Çağırışçılardan və hərbi vəzifəlilərdən alınmış hərbi qeydiyyat sənədlərinin qeydiyyat kitabları
Əsaslı vəsait qoyuluşunun təsdiq olunmuş planları, material balansları:
Əsaslı tikinti məsələləri barədə yazışma
Əsas vəsaitlərin yenidən qiymətləndirilməsi üzrə hesabatlar, protokollar, aktlar, haqq-hesab cədvəlləri və yazışma
Yenidən qiymətləndirmənin və əsas vəsaitlərin alınmasının müəyyən edilməsi aktları, cədvəlləri
Əlavə kapital qoyuluşu ayrılması və onların bölüşdürülməsi haqqında sə-nədlər (nəticələr, arayışlar, hesabatlar)
Təmir işləri barədə yazışma
Obyektlərin tikintisi və yenidən qurulması üçün təsdiq edilmiş layihə-smeta sənədləri (çertyojlar, smetalar, texniki sənədlərin təsdiqi protokolları, yekun sənədləri)
Əsaslı tikinti və yenidənqurma üzrə titul siyahılarının əsli, onları əvəz edən surətlər və rəsmi çıxarışlar
Tikinti pasportu daxil olmaqla binalar, tikililər üçün ayrılmış torpaq sahəsinin sənədləri
Binaların və tikililərin pasportlaşdırılması barədə yazışma
Binaların balansa qəbulu və balansdan verilməsi üzrə sənədlər
İnşası qurtarmış obyektlərin istismara qəbul aktları
Binaların əsaslı təmirdən sonra qəbul aktları
Binaların icarəsi barədə müqavilə və sazişlər, binaların icarəyə verilməsi və icarədən alınması aktları
Binalara mülkiyyət hüququnu təsdiq edən sənədlər
Əsaslı vəsait qoyuluşu üzrə statistik hesabatlar:
216.2. rüblük və aylıq.
Maddi-texniki təchizat məsələləri barədə yazışma
Qiymətli blankların hazırlanması üçün illik və rüblük sifarişlər və buna aid yazışma
Tikinti işlərinin yerinə yetirilməsi barədə aktlar, arayışlar, sifarişçi ilə iş icraçısı arasında operativ uçot hesablaşmalarının kartoçkaları, yerinə yetirilmiş işlərin haqq-hesabı və qəbul aktları üzrə rəylər
Təsdiq edilmiş yekun smeta-maliyyə hesablaşmalarının surətləri, məxaric cədvəllərinin surətləri, sərmayə qoyuluşunun smetası
Tikinti və əsaslı təmir üzrə hesabatlar
Məhkəmə işləri (sənədlər və yazışmalar)
İnzibati xətalar haqqında işlər üzrə icraat materialları
Hüquq-mühafizə orqanları ilə yazışma
Hüquqi məsələlərə dair rəylər və arayışlar
Binaların və texniki vasitələrin mövsümi hazırlanması tədbirlərinə dair yazışma
Möhür və ştamp nümunələrinin hazırlanması və məhv edilməsinə dair sənədlər və yazışma:
Daxil olmuş mal və materialların qəbul aktları
Mənzil sahəsinin verilməsi və paylaşdırılması barədə yazışma
Yol vərəqələri və onların uçotu jurnalları
Avtonəqliyyat vasitələrinin texniki vəziyyəti barədə aktlar
Mülki-müdafiə planları
Yuxarı təşkilatlar, dövlət orqanları, mülki-müdafiə qərargahı və tabe idarələrlə MM məsələləri barədə yazışma
Dövlət orqanlarının MM üzrə göstərişləri və bu məsələlər barədə onlarla yazışma
Mülki-müdafiə tədbirlərinin maliyyə-ləşdirilməsi barədə yazışma
Cari il üçün MM planının layihələri barədə materiallar
Bankların mülki-müdafiə üzrə məlumat və hesabatları:
237.1. mülki-müdafiə haqqında illik məlumat;
237.2. il ərzində operativ hazırlıq barədə hesabat.
Radiasiya və kimyəvi, tibbi və rabitə vasitələri barədə bankların hesabat sifarişləri
İşlərin nomenklaturası
Qeydiyyat jurnalları və uçot kitabları, qeydiyyat və nəzarət kartoçkaları
Məlumat üçün çoxaldılmış sənədlərin (əmr, sərəncam, protokol və digər sənədlərin) surətləri
Təhvil verilən sənədlərin siyahıları:
242.1. daimi saxlanılan (təsdiq edilmiş);
242.2. müvəqqəti saxlanılan.
Sənədlərin məhv edilmək üçün ayrılması barədə təsdiq edilmiş aktlar
Mərkəzi Ekspert Komissiyası (Ekspert Komissiyası) iclaslarının protokolları
Arxiv və kargüzarlıq işi barədə arxiv orqanları ilə yazışma
Sənədlərin dövlət arxivinə təhvil-qəbulu barədə yazışma
İşlərin dövlət arxivinə təhvil-təslim aktları
Arxiv fondlarının siyahısı
Bank sisteminin fəaliyyəti nəticəsində yaranan və saxlanılma müddətləri göstərilən sənədlərin siyahıları
Sənədlərin saxlanma müddətini göstərən siyahılarda dəyişikliklər və əlavələr edilməsi barədə təkliflər, rəylər, yazışmalar
Sənədlərin arxivdən verilməsinə dair tələbnamələr, müraciətlər və müvafiq qeydiyyat jurnalları
Dövlət orqanlarına sənədlərin müvəqqəti istifadə üçün verilməsi protokolları, aktları
Sənəd-lər arxivə qayta-rıldıq-dan sonra
Əsli cinayət işləri və mülki işlər üzrə hüquq mühafizə orqanları və məhkəmələr tərəfindən götürülmüş sənədlərin surətləri
Arxiv arayışlarının, surətlərin, sə-nədlərdən çıxarışların verilməsi barədə ərizələr, sorğular, onların verilməsinə aid yazışma
“Azərbaycan Respublikasının bank sistemində arxiv işinin aparılması haqqında Təlimat”a 2 №-li Əlavə
Saxlanma müddəti başa çatmış sənədlərin məhv edilmək üçün ayrılması barədə
______________№ __________________
Əsas: _________№ _________________
_______________________________________________________________________ əsasında
___________________________________________________________ №-li fondun elmi və
əməli əhəmiyyətini itirmiş sənədləri məhv edilmək üçün seçilib ayrılmışdır.
Akta daxil olan sənədlər yoxlanılmışdır və bu dövrə aid istintaq orqanlarında cinayət işi yoxdur.
__________________________ il(lər) üzrə daimi saxlanılacaq işlərin siyahısı təsdiq edilmişdir,
şəxsi heyət üzrə isə siyahı ________________________________ EYK ilə razılaşdırılmışdır.
( ________________________________ tarixli _________________________ №-li protokol)
Sənədlərin dəyərinin ekspertizasını keçirmiş şəxsin vəzifəsi
MEK (EK)-in _____________________________ tarixli ___________________ №-li protokolu
_______________________ sayda, ________________________________________ kq çəkidə
sənədlər _____________________________ tarixli _____________________№-li təhvil-təslim
sənədi üzrə ______________________________________________ təhvil verilmişdir.
Təşkilatın sənədlərini təhvil vermiş işçisinin vəzifəsi
“Azərbaycan Respublikasının bank sistemində arxiv işinin aparılması haqqında Təlimat”a 3 №-li Əlavə
Təşkilatın rəhbərinin
Dövlət arxivinin möhürü
Sənədlərin dövlət mühafizəsinə ve-
rilməsinin təhvil-təslimi haqqında
________________№_________
___________________________
Əsas: ”Milli Arxiv Fondu haqqında” Azərbaycan Respublikasının Qanunu
təhvil verir _____________________________________________________________________ isə
____________________ illər üçün sənədləri dövlət saxlancına qəbul edir:
Cəmi: qəbul edilmişdir __________________________________________________________ sax.vah.
Dövlət arxivində fond № ________________
Təhvil-təslimi apardı:
Təhvil-təslimi aparan şəxslərin
Saxlanması mümkün olmayan, zədələnmiş sənədləri məhv etmək üçün ayırma haqqında
Təşkilatın rəhbərinin
____________________________№___________
_________________________________________
Cəmi saxlanması mümkün olmayan ____________________________________ iş aşkara çıxarılmışdır..
___________________________________________________________________________________
_____________________________________________________________________________________
__________________________________________ nəzərə alaraq sadalanan işlər silinməlidir.
(arxiv üçün məsul şəxs)
Arxiv idarəsinin EYK-in
_________tarixli _________№-li protokolu
Təşkilatın MEK (EK-in)
_________tarixli _________№-li protokolu
Arxivin uçot sənədlərində
dəyişikliklər edilmişdir.
Uçot sənədlərində dəyişikliklər
etmiş işçinin vəzifəsi
“Azərbaycan Respublikasının bank sistemində arxiv işinin aparılması haqqında Təlimat”a 5 №-li Əlavə
Struktur bölmənin rəhbərinin
Bankın struktur bölməsinin daimi saxlanılan və şəxsi heyət üzrə işləri barədə
Qeyd (bağlama-nın, qutunun №-si)
Bu siyahıya________№-dən________№-dək________________________________ iş daxil edilmişdir,
Siyahını tərtib edənin vəzifəsi İmza Adı, soyadı
“Azərbaycan Respublikasının bank sistemində arxiv işinin aparılması haqqında Təlimat”a 6 №-li Əlavə
Arxivdə saxlanılan sənədlərin
müvəqqəti istifadə üçün
____________________________________________________________________________________
_____________________________________________________________________________________
_________________________________________
(sənəd(lər)in tarixi)
Rəhbər vəzifəli şəxs___________________ ______________ ___________
(adı, soyadı) (imza) (tarix)
“Azərbaycan Respublikasının bank sistemində arxiv işinin aparılması haqqında Təlimat”a 7 №-li Əlavə
_________________________________ ______________________________
Bankın adı, arxiv arayışının tarixi və №-si sorрu edənin adı və ünvanı
___________________________________________________________________________________________
___________________________________________________________________________________________
___________________________________________________________________________________________
Əsas: məsələn, F.9, siyahı 2, iş 515, səh.105-106
Arayış __________________________________təqdim edilmək üçün verilmişdir.
Bankın, yaxud idarə arxivinin
daxil olduğu struktur bölmənin
rəhbərinin vəzifəsi İmza Adı, soyadı
Arxiv müdiri (idarə arxivi üçün məsul şəxs) İmza Adı, soyadı