Azərbaycan Respublikasının Dövlət Əmlak Komitəsi haqqında Əsasnamənin təsdiq edilməsi barədə
Azərbaycan Respublikasının Dövlət Əmlak Komitəsinə həvalə edilmiş vəzifələrin həyata keçirilməsini təmin etmək məqsədilə və “Dövlət mülkiyyətinin özəlləşdirilməsinin hüquqi və normativ təminatı sahəsində tədbirlər haqqında” Azərbaycan Respublikası Prezidentinin 1992-ci il 23 iyun tarixli Fərmanına müvafiq olaraq qərara alıram:
1. Azərbaycan Respublikasının Dövlət Əmlak Komitəsi haqqında Əsasnamə təsdiq edilsin.
2. Əsasnamənin dövlət əmlakının özləşdirilməsi məsələlərinə aid olan normaları Azərbaycan Respublikası Milli Məclisi tərəfindən özləşdirmə haqqında Qanun qəbul edildikdən sonra qüvvəyə minir.
Azərbaycan Respublikasının Prezidenti
Bakı şəhəri, 13 avqust 1992-ci il.