“İstehlakçıların hüquqlarının müdafiəsi haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2011-ci il 30 sentyabr tarixli 205-IVQD nömrəli Qanununun tətbiqi haqqında” Azərbaycan Respublikası Prezidentinin 2011-ci il 24 noyabr tarixli 536 nömrəli Fərmanının 1.4-cü bəndinin icrası ilə əlaqədar Azərbaycan Respublikasının Nazirlər Kabineti qərara alır:
1. “Azərbaycan Respublikasının ərazisində POS-terminalların quraşdırılması, istifadəsi və tətbiqi Qaydaları” təsdiq edilsin (əlavə olunur).
2. “POS-terminallar quraşdırılacaq obyektlərin müəyyənləşdirilməsi meyarları” təsdiq edilsin (əlavə olunur).
3. Azərbaycan Respublikası Nazirlər Kabinetinin “POS-terminalların quraşdırılması məqsədəmüvafiq hesab edilən pərakəndə ticarət, iaşə və digər xidmət müəssisələrinin müəyyənləşdirilməsi meyarları”nın və “Ərazilər üzrə POS-terminal aparatlarının mərhələlərlə tətbiq edilməsi cədvəli”nin təsdiq edilməsi barədə” 2006-cı il 3 fevral tarixli 33 nömrəli qərarı (Azərbaycan Respublikasının Qanunvericilik Toplusu, 2006, № 2, maddə 182) və “Azərbaycan Respublikasının ərazisində POS-terminalların istismar və istifadə edilməsi Qaydaları”nın təsdiq edilməsi haqqında” 2006-cı il 18 fevral tarixli 54 nömrəli qərarı (Azərbaycan Respublikasının Qanunvericilik Toplusu, 2006, № 2, maddə 202) ləğv edilsin.
4. Azərbaycan Respublikasının İqtisadiyyat Nazirliyinə tapşırılsın və Azərbaycan Respublikasının Mərkəzi Bankına tövsiyə edilsin ki, bu qərardan irəli gələn məsələlərin həllini təmin etsinlər.
5. Aidiyyəti dövlət orqanlarına tapşırılsın ki, vergilərin və göstərilən xidmətlərə (işlərə) görə dövlət rüsumlarının və haqlarının nağdsız qaydada ödənilməsi üçün zəruri tədbirlərin həyata keçirilməsini təmin etsinlər.
Azərbaycan Respublikasının Baş naziri Artur Rasi-zadə
Bakı şəhəri, 4 oktyabr 2012-ci il
1.1. Bu Qaydalar Azərbaycan Respublikası Prezidentinin “İstehlakçıların hüquqlarının müdafiəsi haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2011-ci il 30 sentyabr tarixli 205-IVQD nömrəli Qanununun tətbiqi haqqında” 2011-ci il 24 noyabr tarixli 536 nömrəli Fərmanının 1.4-cü bəndinə əsasən və "Azərbaycan Respublikasında ödəniş sistemlərinin təkmilləşdirilməsi sahəsində əlavə tədbirlər haqqında” 2005-ci il 22 noyabr tarixli 1114 nömrəli Sərəncamının 1.2.1-ci yarımbəndinə uyğun olaraq hazırlanmışdır.
1.2. Bu Qaydalar ticarət, məişət və digər növ xidmətlərin göstərilməsi zamanı müştərilərlə nağdsız hesablaşmaların aparılması, habelə vergilərin və dövlət orqanları tərəfindən göstərilən xidmətlərə (işlərə) görə dövlət rüsumlarının və haqlarının ödənilməsi üçün təsərrüfat subyektlərində POS-terminalların bu Qaydaların 1 nömrəli əlavəsindəki cədvəl üzrə mərhələlərlə quraşdırılması, qeydiyyatı, istifadəsi, habelə POS-terminalların tətbiqi ilə bağlı digər münasibətləri tənzimləyir.
1.3. Təsərrüfat subyektlərində POS-terminalların mərhələlərlə tətbiqi bu Qaydaların 1 nömrəli əlavəsindəki cədvəl üzrə həyata keçirilir.
2.1. Bu Qaydalarda istifadə olunan əsas anlayışlar aşağıdakı mənaları ifadə edir:
2.1.1. ödəniş kartı (bundan sonra - kart) - nağdsız ödənişlərin aparılması və nağd pul vəsaitinin əldə edilməsi üçün istifadə edilən ödəniş aləti və ya karta bağlı ödəniş vasitəsi (mobil cihaz və digər avadanlıq);
2.1.2. beynəlxalq ödəniş kartı - ölkə daxilində və ölkədən kənar əməliyyatların aparılması üçün istifadə olunan kart;
2.1.3. lokal ödəniş kartı - Azərbaycan Respublikasında fəaliyyət göstərən banklar tərəfindən yalnız ölkə ərazisində istifadə üçün emissiya edilmiş kart;
2.1.4. xidmət mərkəzi - qanunvericiliyə uyğun olaraq prosessinq fəaliyyətini həyata keçirmək hüququ olan şəxs;
2.1.5. əməliyyat - POS-terminal vasitəsilə ticarət, məişət və digər növ xidmətlərin, habelə vergilərin və dövlət orqanları tərəfindən göstərilən xidmətlərə (işlərə) görə dövlət rüsumlarının və haqlarının tam və ya qismən ödənilməsi;
2.1.6. POS-terminal - nağdsız ödənişlərin (o cümlədən təmassız ödənişlərin) aparılması və/və ya nağd pul vəsaitinin alınması üçün nəzərdə tutulmuş avadanlıq, o cümlədən lazımi proqram təminatı ilə təmin edilmiş mobil cihaz (mobil operatorların ümumistifadəli telekommunikasiya şəbəkələrində mobil (sellülar) xidmət alan (xidmət almağa yararlı olan) telefon aparatı və digər son avadanlıq);
2.1.7. POS-terminal sifarişçisi (bundan sonra - sifarişçi) - qanunvericiliyə uyğun olaraq POS-terminal quraşdırmalı olan hüquqi və ya fiziki şəxs, habelə dövlət orqanı;
2.1.8. təsərrüfat subyekti - sifarişçinin POS-terminal quraşdırdığı obyekt;
2.1.9. xidmət haqqı - POS-terminal vasitəsilə aparılmış əməliyyata görə sifarişçi tərəfindən bank ekvayerə ödənilən məbləğ;
2.1.10. bank ekvayer - sifarişçi ilə bağlanmış müqavilə əsasında POS-terminalın quraşdırılmasını və POS-terminal vasitəsilə aparılan əməliyyatlar üzrə hesablaşmaların həyata keçirilməsini təmin edən bank və ya poçt-maliyyə xidmətlərinin həyata keçirilməsi üçün lisenziyaya malik olan hüquqi şəxs;
2.1.11. əməliyyatçı - sifarişçinin özü və ya sifarişçinin POS-terminaldan istifadə etməyə səlahiyyəti olan əməkdaşı;
2.1.12. şəxsi tanınma kodu (bundan sonra - PİN kod) - əməliyyatın həyata keçirilməsi üçün avtorizasiya zamanı kart sahibinin tanınmasında istifadə olunan gizli şifrə;
2.1.13. kart istifadəçisi - kartdan istifadə hüququ olan şəxs;
2.1.14. avtorizasiya sorğusu - əməliyyatın həyata keçirilməsi üçün icazənin alınması sorğusu;
2.1.15. təmassız ödəniş – daxilində radiotezlikli identifikator quraşdırılmış kartın POS-terminala yaxınlaşdırılması ilə aparılan əməliyyat;
2.1.16. unikal kod – POS-terminal kimi istifadə edilən mobil cihaz üçün bank ekvayer tərəfindən verilmiş, həmin bank üzrə təkrarlanmayan, hərf, rəqəm və ya simvollardan ibarət vahid kod.
3.1. Təsərrüfat subyektlərində quraşdırılan və istifadə edilən POS-terminallar aşağıdakı texniki tələblərə cavab verməlidir:
3.1.1. POS-terminal ən azı Azərbaycan Respublikasında fəaliyyət göstərən banklar tərəfindən emissiya edilmiş beynəlxalq və lokal ödəniş kartlarının qəbulu, o cümlədən təmassız ödənişlərin aparılması imkanına malik olmalıdır;
3.1.3. POS-terminalda kartlar vasitəsilə PİN kodun daxil edilməsi tələb olunan əməliyyatların aparılması üçün nəzərdə tutulmuş klaviatura olmalıdır;
3.1.4. POS-terminalın texniki parametrləri bank ekvayer və ya xidmət mərkəzi tərəfindən dəstəklənmə imkanlarına malik olmalıdır.
3.2. POS-terminalın quraşdırılması üçün zəruri olan texniki imkanlar (dayanıqlı rabitə kanalı, elektrik cərəyanı mənbəyi və s.) sifarişçi tərəfindən təmin edilir.
3.3. Bank ekvayer POS-terminalın qoşulmasına və xidmət göstərilməsinə dair xidmət mərkəzi ilə müqavilə bağlayır, bu Qaydaların 3.1.1-ci yarımbəndində nəzərdə tutulmuş tələblərə cavab verən POS-terminalı müvafiq testlərin və sazlamaların aparılması üçün xidmət mərkəzinə təqdim edir.
3.4. POS-terminalın mülkiyyətçisi sifarişçi və ya bank ekvayer ola bilər. Sifarişçiyə məxsus POS-terminal bu Qaydaların 3.1-ci bəndinin tələblərinə cavab verməlidir.
4.1. Azərbaycan Respublikasının İqtisadiyyat Nazirliyi yanında Dövlət Vergi Xidməti (bundan sonra – Dövlət Vergi Xidməti) qanunvericiliyə müvafiq olaraq POS-terminalların quraşdırılması tələb olunan sifarişçiyə məxsus bütün təsərrüfat subyektlərində POS-terminalların quraşdırılması üçün bu Qaydaların 2 nömrəli əlavəsinə uyğun bildiriş göndərir.
4.2. Sifarişçi bildirişi aldıqdan sonra 10 (on) iş günü müddətində POS-terminalın quraşdırılması üçün bank ekvayerə müraciət etməlidir.
4.3. Sifarişçi POS-terminalın quraşdırılması üçün ərizə ilə birlikdə aşağıdakı sənədləri və ya məlumatları bank ekvayerə təqdim etməlidir:
4.3.1. vergi ödəyicisinin və ya dövlət orqanının qanuni təmsilçisinin şəxsiyyətini təsdiq edən sənədin surəti (kağız daşıyıcıda) və ya müvafiq sənədin məlumatları (elektron formada);
4.3.2. sifarişçinin vergi uçotuna alınması haqqında şəhadətnamənin surəti (kağız daşıyıcıda) və ya şəhadətnamənin məlumatları (elektron formada);
4.3.3. təsərrüfat subyektinin vergi uçotunu təsdiq edən sənədin surəti (kağız daşıyıcıda) və ya müvafiq sənədin məlumatları (elektron formada).
4.3.4. əsas fəaliyyət növünün adı və kodu göstərilməklə, təsərrüfat subyektində POS-terminalın quraşdırılması üçün Dövlət Vergi Xidməti tərəfindən göndərilmiş bu Qaydaların 2 nömrəli əlavəsinə uyğun bildirişin surəti (kağız daşıyıcıda) və ya bildirişin məlumatları (elektron formada).
4.3-1. POS-terminal sifarişçi tərəfindən təmin edildikdə, o, bu Qaydaların 4.3-cü bəndində göstərilmiş sənədlərlə yanaşı, quraşdırılacaq POS-terminalı müvafiq proqram təminatının yüklənməsi üçün bank ekvayerə təqdim edir.
4.4. Bank ekvayer sifarişçinin müraciətinə bu Qaydaların 4.3-cü bəndində göstərilmiş sənədlər və ya məlumatlar təqdim edildikdən sonra 3 (üç) iş günü müddətində baxır. Bu müddətdə bank ekvayer POS-terminalın quraşdırılması üçün təsərrüfat subyektinin texniki imkanlarının və təqdim edilmiş sənədlərə uyğun fəaliyyət sahəsinin ümumi təhlili məqsədilə təsərrüfat subyektinə yerində baxış həyata keçirə bilər.
4.5. Bank ekvayer sifarişçiyə POS-terminalın quraşdırılmasından aşağıdakı hallarda imtina edir:
4.5.1. bu Qaydaların 4.3-cü bəndində nəzərdə tutulmuş sənədlər və ya məlumatlar tam və düzgün təqdim edilmədikdə;
4.5.2. bank ekvayerin təsərrüfat subyektində quraşdırmaq üçün bu Qaydaların 3.1-ci bəndinin tələblərinə cavab verən POS-terminalı olmadıqda;
4.5.3. texniki səbəblərdən POS-terminalın quraşdırılması mümkün olmadıqda (sifarişçinin mülkiyyətində olan POS-terminalın texniki parametrləri bu Qaydaların 3.1-ci bəndinin tələblərinə cavab vermədikdə və ya sifarişçi tərəfindən POS-terminalın quraşdırılması üçün zəruri olan texniki imkanlar təmin edilmədikdə);
4.6. Bank ekvayer sifarişçiyə POS-terminalın quraşdırılmasından bu Qaydaların 4.5-ci bəndində göstərilmiş hallarda imtina etdikdə, bu Qaydaların 4.4-cü bəndində göstərilmiş müddətdə imtinanın səbəbləri qeyd edilməklə, elektron və ya kağız daşıyıcısında Dövlət Vergi Xidmətinə və sifarişçiyə bu Qaydaların 3 nömrəli əlavəsinə uyğun məlumat göndərir.
4.7. Sifarişçi bank ekvayerdən imtina haqqında məlumat aldıqdan sonra 5 (beş) iş günü müddətində imtinaya səbəb olan uyğunsuzluqları aradan qaldırmaqla, (bu Qaydaların 4.5.3-cü yarımbəndində nəzərdə tutulmuş halda 15 (on beş) gün müddətində) yenidən həmin banka və ya POS-terminalın quraşdırılması üçün digər bank ekvayerə müraciət edir.
4.8. Bank ekvayer tərəfindən sifarişçinin müraciətinə müsbət baxıldıqda və müqavilə şərtləri üzrə razılıq əldə edildikdə, tərəflər arasında müqavilə bağlanılır və 10 (on) iş günü müddətində sifarişçinin müqavilədə nəzərdə tutulmuş təsərrüfat subyektində POS-terminal quraşdırılır. Bank ekvayer POS-terminal quraşdırıldıqdan sonra 1 (bir) iş günü müddətində sifarişçinin müqavilədə nəzərdə tutulmuş təsərrüfat subyektində quraşdırılmış POS-terminalın qeydiyyatı üçün elektron və ya kağız daşıyıcıda Dövlət Vergi Xidmətinə bu Qaydaların 4 nömrəli əlavəsinə uyğun olaraq müraciət göndərir.
4.9. Bank ekvayerlə sifarişçi arasında bağlanmış müqavilədə aşağıdakılar əks olunmalıdır:
4.9.1. tərəflərin POS-terminalla əməliyyatların aparılması üzrə hüquq və vəzifələri;
4.9.2. bank ekvayerlə sifarişçi arasında hesablaşmaların aparılması qaydası və müddəti;
4.9.3. mal, iş və xidmətlərin dəyərinin POS-terminal vasitəsilə ödənilməsi zamanı sifarişçinin əlavə haqq təyin etməmək öhdəliyi;
4.9.4. sifarişçi tərəfindən bank ekvayerə ödəniləcək xidmət haqqı və onun ödənilməsi qaydası;
4.9.5. sifarişçi tərəfindən POS-terminal vasitəsilə əməliyyatların aparılması zamanı zəruri olan təhlükəsizlik tədbirləri;
4.9.6. bu Qaydaların tələblərinə uyğun olaraq, sifarişçi tərəfindən kartların ödənişə qəbul edilməsindən mümkün imtina halları;
4.9.7. nəzərdə tutulmuş təhlükəsizlik tədbirlərinin və digər şərtlərin pozulması halında tərəflərin məsuliyyəti;
4.9.8. aparılmış nağdsız əməliyyata görə ödənişin geri qaytarılması zamanı müştəri ilə müvafiq hesablaşmanın aparılması qaydası və müddəti;
4.9.9. POS-terminal sıradan çıxdıqda, onun təmiri və ya əvəzedilməsi müddəti, həmçinin nasazlıqların aradan qaldırılması üzrə tərəflərin öhdəlikləri;
4.9.10. müqavilənin dəyişdirilməsi və ləğv edilməsi qaydası;
4.9.11. mübahisələrin həlli qaydası.
4.10. Bu Qaydaların 4.9-cu bəndində göstərilən tələblər nəzərə alınmaqla bank ekvayer, sifarişçi və xidmət mərkəzi arasında üçtərəfli müqavilə bağlanıla bilər.
4.11. Dövlət Vergi Xidməti 2 (iki) iş günü müddətində bank ekvayerin təqdim etdiyi məlumatlar əsasında POS-terminala qeydiyyat nömrəsi verir və müvafiq məlumatları bu Qaydaların 5 nömrəli əlavəsinə uyğun olaraq elektron və ya kağız daşıyıcısında bank ekvayerə və sifarişçiyə göndərir.
4.12. Bank ekvayer bu Qaydaların 4.11-ci bəndində göstərilən məlumatı aldıqdan sonra 5 (beş) iş günü müddətində sifarişçinin müqavilədə nəzərdə tutulmuş təsərrüfat subyektində POS-terminalın aktivləşdirilməsini və ödənişlərin qəbul edilməsini təmin edir.
4.13. Bu Qaydaların 4.12-ci bəndinin tələbləri yerinə yetirildikdən sonra əməliyyatçı POS-terminal vasitəsilə ödənişlərin qəbul edilməsini təmin edir.
4.14. POS-terminalla aparılan əməliyyatlar üzrə hesablaşmalar sifarişçinin bank ekvayerdəki hesabı vasitəsilə həyata keçirilir.
5.1. Sifarişçi əməliyyatçının bank ekvayerlə bağlanmış müqavilənin şərtlərinə, o cümlədən təhlükəsizlik tədbirlərinə riayət etməsini təmin edir.
5.2. Sifarişçi öz təşəbbüsü və ya kart istifadəçisinin istəyi əsasında təsərrüfat subyektində bu Qaydaların tələblərinə uyğun quraşdırılmış POS-terminalda əməliyyatın aparılması üçün ödənişə qəbul edilən kart (kartlar) barədə kart istifadəçisinin məlumatlandırılmasını təmin edir.
5.3. POS-terminal vasitəsilə ödənişin qəbul edilməsi zamanı kart istifadəçisinə elektron və ya kağız daşıyıcıda özündə ən azı aşağıdakı məcburi rekvizitləri əks etdirən qəbzin (məlumatın) təqdim edilməsi təmin edilir və ya qəbzin (məlumatın) asanlıqla əldə edilməsi imkanı yaradılır:
5.3.1. bank ekvayerin və (və ya) xidmət mərkəzinin adı;
5.3.2. sifarişçinin adı və VÖEN-i;
5.3.3. qəbzin nömrəsi;
5.3.4. əməliyyatın tarixi (gün, ay, il) və vaxtı (saat, dəqiqə);
5.3.5. POS-terminalın kodu;
5.3.6. ödənişin məbləği və valyutası;
5.3.7. kartın təhlükəsizlik tələbləri çərçivəsində icazə verilən rekvizitləri;
5.3.8. avtorizasiya kodu.
5.4. POS-terminal vasitəsilə dövlət büdcəsi və büdcədənkənar vəsaitlər üzrə mərkəzləşdirilmiş (vahid) xəzinə hesabına ödənişlərin aparılması zamanı qəbzdə büdcə təşkilatı və ya büdcədənkənar dövlət fondunun rekvizitləri, büdcə gəlirlərinin təsnifatı və büdcə səviyyəsinin kodu qeyd edilir.
5.5. Təhlükəsizlik tələblərinə müvafiq olaraq, əməliyyatçı qəbzin kart istifadəçisi tərəfindən imzalanmasını tələb edə bilər.
5.6. Sifarişçi qanunvericiliklə müəyyən olunmuş hallar istisna olmaqla kart, kart istifadəçisi, habelə aparılmış əməliyyatlar haqqında ona məlum olan məlumatların məxfiliyinin qorunmasını təmin edir.
5.7. Bank ekvayer və sifarişçi aralarında bağlanılmış müqavilənin şərtlərinə uyğun olaraq POS-terminal vasitəsilə aparılmış əməliyyatlar barədə məlumatları üzləşdirirlər. Məlumatlarda hər hansı uyğunsuzluq aşkar olunduqda, sifarişçi bu barədə bank ekvayeri məlumatlandırır. Bank ekvayer uyğunsuzluğun səbəbini araşdırır, aradan qaldırılması üçün müvafiq tədbir görür və nəticəsi barədə sifarişçiyə məlumat verir.
5.8. Sifarişçi nağdsız ödənişlərin (o cümlədən təmassız ödənişlərin) fasiləsiz qəbul edilməsi üçün POS-terminalın işlək vəziyyətdə olmasını təmin edir və hər hansı texniki nasazlıq baş verdikdə, bu barədə bank ekvayeri dərhal məlumatlandırır.
5.9. POS-terminalda nasazlıq baş verdikdə, bank ekvayer və ya sifarişçi (POS-terminal sifarişçinin mülkiyyətində olduğu halda) 2 (iki) iş günü müddətində POS-terminalın işlək vəziyyətə gətirilməsini təmin edir. POS-terminalın təmiri daha çox müddət tələb etdikdə, bank ekvayer və ya sifarişçi təsərrüfat subyektini yeni POS-terminalla təmin edir. Təmirə ehtiyacı olan POS-terminalın qeydiyyatdan çıxarılması və yeni POS-terminalın qeydiyyata alınması bu Qaydalara uyğun həyata keçirilir.
6.1. Bank ekvayer aşağıdakı hallarda 2 (iki) iş günü müddətində POS-terminala verilmiş qeydiyyat nömrəsinin (nömrələrinin) ləğv edilməsi üçün bu Qaydaların 7 nömrəli əlavəsinə uyğun olaraq elektron və ya kağız daşıyıcısında Dövlət Vergi Xidmətinə müraciət edir:
6.1.1. sifarişçi ilə bank ekvayer arasında bağlanmış müqaviləyə xitam verildikdə;
6.1.2. POS-terminal yenisi ilə əvəz edildikdə (bu zaman yeni terminalın qeydiyyat məlumatları bu Qaydalara uyğun təqdim edilir);
6.1.3. sifarişçinin POS-terminal quraşdırılmış təsərrüfat subyekti ləğv edildikdə.
6.2. Dövlət Vergi Xidməti POS-terminala verilmiş qeydiyyat nömrəsinin ləğv edilməsi üçün bank ekvayerdən müraciət daxil olduqdan sonra 2 (iki) iş günü müddətində qeydiyyat nömrəsini ləğv edir və bu Qaydaların 8 nömrəli əlavəsinə uyğun olaraq elektron formada banka məlumat verir.
6.3. Bu Qaydaların 6.1.1-ci yarımbəndində nəzərdə tutulmuş hallarda POS-terminal qeydiyyatdan çıxarıldıqdan sonra 3 (üç) iş günü müddətində sifarişçiyə yeni POS-terminalın quraşdırılması üçün bu Qaydaların 9 nömrəli əlavəsinə uyğun olaraq bildiriş göndərilir. Sifarişçi bu Qaydaların 4.2-ci bəndinin tələblərinə uyğun olaraq Dövlət Vergi Xidməti tərəfindən, yeni POS-terminalın quraşdırılmasını təmin etməlidir.
7.1. Sifarişçi, eyni zamanda bir neçə bank ekvayerin xidmətindən istifadə edə bilər. Hər bir POS-terminalın qeydiyyatı bu Qaydalara uyğun həyata keçirilir.
7.2. Dövriyyəsindən və yerləşdiyi ərazidən asılı olmayaraq, fərdi sahibkarlar və hüquqi şəxslər təsərrüfat subyektlərində POS-terminalın quraşdırılması üçün könüllü şəkildə bank ekvayerə müraciət edə bilərlər.
Bakı, Gəncə və Sumqayıt şəhərləri
Abşeron, Mingəçevir, Şirvan, Şəki, Lənkəran, Yevlax, Bərdə, Naxçıvan, Quba, Xaçmaz, Masallı, Göyçay, Şamaxı, Zaqatala, Şəmkir, Tovuz, Salyan, Sabirabad şəhər və rayonları (kənd və qəsəbələr istisna olmaqla)
Digər rayon mərkəzləri (kənd və qəsəbələr istisna olmaqla)
Azərbaycan Respublikasının bütün kənd və qəsəbələri
Ərazisindən asılı olmayaraq vergilərin və göstərilən xidmətlərə (işlərə) görə dövlət rüsumlarının və haqlarının ödənişini qəbul edən dövlət orqanları
Sifarişçinin adı ___________________________________
Sifarişçinin VÖEN-i Sifarişçinin əsas fəaliyyət növünün adı və kodu __________________________________________________________________
Azərbaycan Respublikasının İqtisadiyyat Nazirliyi yanında Dövlət Vergi Xidməti bildirir ki, 20__-c_ ilin ___-c_ rübü üzrə orta aylıq dövriyyəniz ___ manat təşkil etmişdir.
Azərbaycan Respublikası Nazirlər Kabinetinin ________ tarixli ___ nömrəli qərarına əsasən tərəfinizdən bildiriş alındıqdan sonra 10 (on) iş günü müddətində _________ kodlu obyekt(lər)də POS-teminal(lar)ın quraşdırılması üçün müvafiq bank ekvayerə müraciət edilməlidir.
POS-terminalın quraşdırılması üçün bank ekvayerə ərizə ilə birlikdə fərdi sahibkarın və ya hüquqi şəxsin qanuni təmsilçisinin şəxsiyyətini təsdiq edən sənədin, sifarişçinin vergi uçotuna alınması haqqında şəhadətnamənin və təsərrüfat subyektinin vergi uçotunu təsdiq edən sənədin surətləri (məlumatları) elektron və ya kağız daşıyıcıda təqdim edilir.
Vergi orqanının səlahiyyətli nümayəndəsi ____________
_____________________
Bank ekvayerin adı _________________________________
Sifarişçinin adı _________________________________
Sifarişçinin VÖEN-i _________________________________
Sənədlərin bank ekvayerə təqdim edilmə tarixi ___________________
İmtinanın səbəbi (tam və ətraflı)
________________________________________________________________________
________________________________________________________________________
________________________________________________________________________
________________________________________________________________________
Bank ekvayerin səlahiyyətli nümayəndəsi ____________
_____________________
Tarix _______________
Bank ekvayerin adı _________________________________
Sifarişçinin adı _________________________________
Sifarişçinin VÖEN-i _________________________________
Bank ekvayerin səlahiyyətli nümayəndəsi ____________
_____________________
Tarix __________________
Bank ekvayerin adı _________________________________
Sifarişçinin adı _________________________________
Sifarişçinin VÖEN-i _________________________________
Vergi orqanının səlahiyyətli nümayəndəsi ____________
_____________________
Tarix __________________
Bank ekvayerin adı _______________________________
Sifarişçinin adı _______________________________
Sifarişçinin VÖEN-i ________________________________
POS-terminalın qeydiyyatının ləğvi səbəbi:
□ Sifarişçi ilə bank ekvayer arasında bağlanmış müqaviləyə xitam verilib.
□ POS-terminal yenisi ilə əvəz edilib.
□ Təsərrüfat subyekti ləğv edilib.
Bank ekvayerin səlahiyyətli nümayəndəsi ____________
_____________________
Tarix __________________
Bank ekvayerin adı ______________________________
Sifarişçinin adı ______________________________
Sifarişçinin VÖEN-i ______________________________
Vergi orqanının səlahiyyətli nümayəndəsi ____________
_____________________
Tarix __________________
Sifarişçinin adı ___________________________________________
Sifarişçinin VÖEN-i ___________________________________________
Azərbaycan Respublikasının İqtisadiyyat Nazirliyi yanında Dövlət Vergi Xidməti bildirir ki, 20__ -c_ il _________ tarixində sizə məxsus ___________ kodlu təsərrüfat subyektində quraşdırılmış ____________ nömrəli POS-terminal qeydiyyatdan çıxarılmışdır.
Azərbaycan Respublikası Nazirlər Kabinetinin _____ tarixli _____ nömrəli qərarına əsasən tərəfinizdən bildiriş alındıqdan sonra 10 (on) iş günü müddətində həmin obyektdə POS-terminal(lar)ın quraşdırılması üçün müvafiq bank ekvayerə müraciət edilməlidir.
POS-terminalın quraşdırılması üçün bank idarəsinə ərizə ilə birlikdə fərdi sahibkarın və ya hüquqi şəxsin rəhbərinin və ya qanuni təmsilçisinin şəxsiyyətini təsdiq edən sənədin, sifarişçinin vergi uçotuna alınması haqqında şəhadətnamənin və təsərrüfat subyektinin vergi uçotunu təsdiq edən sənədin surətləri (məlumatları) elektron və ya kağız daşıyıcısında təqdim edilir.
Vergi orqanının səlahiyyətli nümayəndəsi ____________
_____________________
Tarix __________________
1. POS-terminallar quraşdırılacaq obyektlər aşağıdakılardır:
1.1. dövriyyəsindən və ərazisindən asılı olmayaraq Əlavə Dəyər Vergisi (ƏDV) ödəyicilərinin bütün təsərrüfat subyektləri (obyektləri) (vergi ödəyicisinin ƏDV məqsədləri üçün qeydiyyata alındığı tarixdən);
1.2. dövriyyəsindən və ərazisindən asılı olmayaraq avtomobil və mebel satışı üzrə ixtisaslaşmış müəssisələr, idman və sağlamlıq kompleksləri, səhiyyə obyektləri, istirahət və əyləncə obyektləri, mehmanxanalar, şadlıq evləri, yanacaqdoldurma məntəqələri, hava, su, dəmiryol və avtomobil nəqliyyatı vasitələri ilə sərnişindaşımada biletlərin satışını həyata keçirən satış məntəqələri və turizm şirkətləri (təsərrüfat subyektinin (obyektinin) qeydiyyata alındığı tarixdən);
1.3. rüb üzrə orta aylıq dövriyyəsi 2000 (iki min) manatdan artıq olan vergi ödəyicilərinin bütün təsərrüfat subyektləri (obyektləri) (ərazilər üzrə POS-terminalların mərhələlərlə tətbiq edilməsi cədvəlinə uyğun olaraq);
1.4. hüquqi şəxslərə və fərdi sahibkarlara məxsus minik avtomobili ilə (taksi) sərnişin daşınmasını həyata keçirən nəqliyyat vasitələri (ərazilər üzrə POS-terminalların mərhələlərlə tətbiq edilməsi cədvəlinə uyğun olaraq);
1.5. vergilərin və göstərilən xidmətlərə (işlərə) görə dövlət rüsumlarının və haqlarının ödənişini qəbul edən dövlət orqanları (ərazilər üzrə POS-terminalların mərhələlərlə tətbiq edilməsi cədvəlinə uyğun olaraq).
1. 18 may 2022-ci il tarixli 192 nömrəli Azərbaycan Respublikası Nazirlər Kabinetinin Qərarı (“Xalq” qəzeti, 20 may 2022-ci il, № 105, Azərbaycan Respublikasının Qanunvericilik Toplusu, 2022-ci il, № 5, maddə 554)