Bakı Şəhəri Xətai Rayon Məhkəməsi Qərardad — İş №2(011)-6584/2021

Azərbaycan Respublikası adından QƏRARDAD Bakı şəhəri İş № 2(011)-6584/2021 14.09.2021 BAKI ŞƏHƏRİ XƏTAİ RAYON MƏHKƏMƏSİ Hakim Həsənova Aygün Namiq qızının sədrliyi, Cəfərzadə Fərid Zülfəli oğlunun katibliyi, Cavabdehin nümayəndəsi X1 iştirakı ilə, İddiaçı Cavabdehnə qarşı “sayğacın dəyərinin və əsassız hesablanmış borcun silinməsi” tələbinə dair iddiası üzrə mülki işə açıq məhkəmə iclasında baxaraq, müəyyən etdi: İddiaçı Cavabdehnə qarşı “sayğacın dəyərinin və əsassız hesablanmış borcun silinməsi” barədə iddia ərizəsi ilə məhkəməyə müraciət etmişdir. Eyni zamanda iddiaçı ərizə ilə məhkəməyə müraciət edərək, mübahisəyə mahiyyəti üzrə baxılıb həll edilənədək ünvan 1 ünvanına (abonentin kodu: **********00030) mülki işə baxılanadək təbii qazın verilməsinin dayandırılmasının və smart-karta yüklənən puldan tutulmanın aparılmasının Cavabdeh İstehsal Birliyinə qadağan edilməsi barədə qərardad çıxarılmasını xahiş etmişdir. Bakı şəhəri Xətai Rayon Məhkəməsinin 16 avqust 2021-ci il tarixli 2(011)-6584/2021 saylı qərardadı ilə ərizə təmin edilmişdir. 14 sentyabr 2021-ci il tarixə təyin edilmiş məhkəmə iclasının vaxtı və yeri haqqında iddiaçıya lazımi qaydada məlumat verilməsinə baxmayaraq, iddiaçı məhkəmə iclasına gəlməmişdir və gəlməməsinin səbəbi barədə məhkəməyə məlumat daxil olmamış, işə isə onun iştirakı olmadan baxılmasını xahiş etməmişdir. Məhkəmə iclasında cavabdehin nümayəndəsi X2 mülki işə mahiyyəti üzrə baxılmasını tələb etmədiyini bildirdi. Azərbaycan Respublikası MPM-in 259.0.7-ci maddəsinə əsasən işə onun iştirakı olmadan baxmağı xahiş etməmiş iddiaçı məhkəmənin birinci çağırışında gəlmədikdə, cavabdeh isə işin mahiyyəti üzrə baxılmasını tələb etmədikdə ərizə baxılmamış saxlanır. Göstərilən qanunvericilik aktı normasına əsasən məhkəmə hesab edir ki, işə onun iştirakı olmadan baxmağı xahiş etməmiş iddiaçı məhkəmənin birinci çağırışında gəlmədiyindən, cavabdeh isə işin mahiyyəti üzrə həll olunmasını tələb etmədiyindən, iddia ərizəsi baxılmamış saxlanmalıdır. Məhkəmə həmçinin qeyd edir ki, Azərbaycan Respublikası MPM-in 260.0.4-cü maddəsinə əsasən iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Azərbaycan Respublikası Ali Məhkəməsi Plenumunun “Ərizənin baxılmamış saxlanılması barədə qanunvericiliyin məhkəmələr tərəfindən tətbiq edilməsi təcrübəsi haqqında” 31 mart 2011-ci il tarixli qərarına əsasən iddianın təmin edilməsi üçün tədbirlər görüldükdə və ərizə baxılmamış saxlanıldıqda həmin tədbirlər ləğv edilməlidir. Azərbaycan Respublikası MPM-in 162.1-ci maddəsinə əsasən, iddianın təmin edilməsi məhkəmənin təşəbbüsü ilə və ya tərəflərin xahişi ilə həmin məhkəmənin özü tərəfindən ləğv oluna bilər. Məhkəmə həmçinin hesab edir ki, iddia ərizəsi baxılmamış saxlanılmalı olduğundan iddianı təmin tədbirinin qüvvədə saxlanılmasına zərurət aradan qalxmışdır və bu səbəbdən Bakı şəhəri Xətai Rayon Məhkəməsinin 16 avqust 2021-ci il tarixli 2(011)- 6584/2021 saylı iddianı təmin etmək haqqında qərardadı ləğv edilərək, ünvan 1 ünvanına (abonentin kodu: **********00030) mülki işə baxılanadək təbii qazın verilməsinin dayandırılması və smart-karta yüklənən puldan tutulmanın aparılması ilə bağlı Cavabdeh üzərinə qoyulmuş qadağa götürülməlidir. Qeyd olunanlara əsasən və Azərbaycan Respublikası MPM-nin 162, 259.11, 263- 264 və 268-ci maddələrini rəhbər tutaraq, məhkəmə qərara aldı: İddiaçı Cavabdehnə qarşı “sayğacın dəyərinin və əsassız hesablanmış borcun silinməsi” tələbinə dair iddia ərizəsi baxılmamış saxlanılsın. Bakı şəhəri Xətai rayon Məhkəməsinin 16 avqust 2021-ci il tarixli 2(011)-6584/2021 saylı iddianı təmin etmək haqqında qərardadı ləğv edilsin, ünvan 1 ünvanına (abonentin kodu: **********00030) mülki işə baxılanadək təbii qazın verilməsinin dayandırılması və smart-karta yüklənən puldan tutulmanın aparılması ilə bağlı Cavabdeh üzərinə qoyulmuş qadağa götürülsün. Qərardaddan onun tərəflərə rəsmi qaydada verildiyi gündən 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Sədrlik edən: Aygün Həsənova