Azərbaycan Respublikası adından MƏHKƏMƏ ƏMRİ Mingəçevir şəhəri İş № 2(051)-1203/2021 02.06.2021 MİNGƏÇEVİR ŞƏHƏR MƏHKƏMƏSİ Mən, Mingəçevir şəhər Məhkəməsinin hakimi Paşayev Nemət Şirkət oğlu Bakı şəhəri, Yasamal rayonu, Mətbuat prospekti 24 ünvanında yerləşən Kreditor MMC-nin Borclu qarşı pulun tutulmasına dair ərizəsini və ərizəyə əlavə olunmuş sənədləri nəzərdən keçirərək müəyyən etdim: Kreditor MMC xx.xx.1987-ci il tarixdə ünvan 2 ünvanında qeydiyyatda olan Borclu 260 manat məbləğində əsas borcun və 20 manat məbləğində ödənilmiş dövlət rüsumunun, cəmi 280 manat məbləğində pulun alınaraq Kreditor MMC-nin hesabına ödənilməsi barədə məhkəmə əmrin çıxarılmasını xahiş etmişdir. Kreditorun məhkəməyə təqdim etdiyi məhkəmə əmrinin verilməsinə dair ərizəsindən və ərizəyə əlavə edilən sənədlərdən görünür ki, 01.04.2019-cu il tarixli borc müqaviləsinə əsasən Borclu Kreditor-dən hissə-hissə ödəniş şərti ilə 589 manat məbləğində məişət avadanlığı əldə etmişdir. Sözügedən məbləğdən 25 manat ilkin ödəniş etmiş, qalan 564 manat ödənişi 12 ay müddətinə aylıq 47 manat olmaqla ödəməyi öhdəsinə götürmüşdür. Borclu öz üzərinə götürdüyü öhdəliklərini lazımınca yerinə yetirməmiş və bunun nəticəsində 130 manat kredit borcu ödənilməmiş qalmışdır. Bundan başqa iş üzrə Borclu 29.05.2019-cu il tarixli kredit müqviləsinə əsasən Kreditor MMC-dən hissə-hissə ödəniş şərti ilə dəyəri 317 manat olan məişət avadanlığı əldə etmişdir. Sözügedən məbləğdən 5 manat ilkin ödəniş etmiş, qalan 312 manat ödənişi 12 ay müddətinə aylıq 26 manat olmaqla ödəməyi öhdəsinə götürmüşdür. Borclu müqavilə üzrə ödənişlər etdikdən sonra 130 manat kredit borcu qalmışdır. Bunun nəticəsində borclu öz üzərinə götürdüyü öhdəliklərini lazımınca yerinə yetirməmiş və 260 manat məbləğində əsas boru ödənilməmiş qalmışdır. Azərbaycan Respublikası Mülki Məcəlləsinin 445.2.1-ci (borclunun icranı gecikdirməsi) maddəsinə əsasən öhdəliyin, onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Həmin məcəllənin 442-ci (öhdəliyin icra edilməməsi) maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi başa düşülür. Həmin məcəllənin 385-ci maddəsinə əsasən bir şəxs (borclu), başqa şəxsin (kreditorun) xeyrinə müəyyən hərəkətlər etməlidir, məsələn, pul ödəməli, əmlak verməli, iş görməli, xidmətlər göstərməli və i.a və ya müəyyən hərəkətlərdən çəkinməlidir, kreditorun isə borcludan vəzifəsinin icrasını tələb etmək hüququ vardır. AR MPM-nin 276.1-ci maddəsinə görə kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa bu hallarda məhkəmə əmri verilə bilər. AR MPM-nin 276.2.2-ci maddəsinə əsasən 276.2.2. tələb sadə yazılı formada bağlanmış əqdə (lisenziyalaşdırılan telekommunikasiya xidmətlərinin göstərilməsi ilə bağlı müqavilələr, kredit təşkilatları ilə bağlanmış kredit müqavilələri və məişətdə istehlak edilmiş təbii qaz, su, elektrik və ya istilik enerjisinin haqqının ödənilməsi barədə tələblər istisna olmaqla) əsaslandığından həmin tələb üzrə məhkəmə əmri verilməsini mümkün hesab edirəm. Yuxarıda göstərilənləri nəzərə alaraq və Azərbaycan Respublikası MPM-nin 275, 276, 280 və 281-ci maddələrini rəhbər tutaraq, əmr etdim:
09. xx.xx.1987-ci il tarixdə ünvan 2 ünvanında qeydiyyatda olan və yaşayan Borclu 260 (iki yüz altmış) manat əsas borc və ödənilmiş 20 (iyirmi) manat məbləğində dövlət rüsumunu, cəmi 280 (iki yüz səksən) manat məbləğində pulun alınaraq Kreditor MMC -nin xeyrinə ödənilsin. Borclu məhkəmə əmrini aldıqdan 10 (on) gün müddətində verilmiş tələbə və ya onun hissəsinə qarşı əmri vermiş məhkəmənini yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz.
Məhkəmənin hakimi: Nemət Paşayev