Şəmkir Rayon Məhkəməsi Qətnamə — İş №e-2(076)-3915/2024

Azərbaycan Respublikası adından QƏTNAMƏ Şəmkir rayon İş № e-2(076)-3915/2024 31.10.2024 ŞƏMKİR RAYON MƏHKƏMƏSİ Hakim Musayev Taleh Valeh oğlunun sədrliyi İbrahimli Güləsər Rəhim qızının katibliyi Ərizəçi: Azərbaycan Respublikası Vergilər Nazirliyinin 14 saylı Ərazi Vergilər İdarəsinin nümayəndəsi X1 Cavabdeh: Cavabdeh iştirakı ilə Ərizəçi Azərbaycan Respublikası Vergilər Nazirliyinin 14 saylı Ərazi Vergilər İdarəsinin ölkədən getmək hüququnun müvəqqəti məhdudlaşdırılması barədə ərizəsi üzrə mülki işə açıq məhkəmə iclasında baxaraq MÜƏYYƏN ETDİ: Ərizəçi Azərbaycan Respublikası Vergilər Nazirliyinin 14 saylı Ərazi Vergilər İdarəsi ərizə ilə məhkəməyə müraciət edərək, borclu Cavabdeh dövlət büdcəsinə olan vergi borcunun ödənilməsini təmin etmək üçün onun ölkədən getmək hüququnun müvəqqəti məhdudlaşdırılması barədə qətnamə çıxarılmasını xahiş etmişdir. Ərizəçi Azərbaycan Respublikası Vergilər Nazirliyinin 14 saylı Ərazi Vergilər İdarəsi ərizəsini onunla əsaslandırmışdır ki, vergi öhdəliklərini Azərbaycan Respublikasının Vergi Məcəlləsi ilə müəyyən edilmiş müddətdə yerinə yetirmədiyi üçün xx.xx.2024-cü il tarixdə vergi ödəyicisi olan Cavabdeh (VÖEN: **********) işsizlikden sığorta fonduna 30,39 manat, dövlət büdcəsinə 40 manat məbləğində (o cümlədən, maliyyə sanksiyası üzrə 40 manat), İcbari Tibbi Sığorta Fonduna 165,89 manat, Dövlət Sosial Müdafiə Fonduna 910,26 manat, Şəmkir Rayon Keçili bələdiyyəsinin (VÖEN:**********) Dövlət Sosial Müdafiə Fonduna 1299,44 manat, İcbari Tibbi Sığorta Fonduna 263,44 manat, İşsizlikdən sığorta fonduna 108,23 manat, dövlət büdcəsinə 1,24 manat məbləğində (o cümlədən, maliyyə sanksiyası üzrə 1,24 manat) olmaqla, ümumilikdə 2818,89 manat borcu vardır. Yaranmış borc məbləğinin 5 gün ərzində dövlət büdcəsinə və müvafiq fonda ödənilməsi məqsədi ilə vergi ödəyicisinə Vergi Məcəlləsinin 65-ci maddəsinə əsasən xx.xx.2022-ci il tarixli **********146000, xx.xx.2023-cü il tarixli **********145000, xx.xx.2022-ci il tarixli **********145300, xx.xx.2022-ci il tarixli **********144600, xx.xx.2024-cü il tarixli **********915200, xx.xx.2024-cü il tarixli **********913800, xx.xx.2024-cü il tarixli **********914500, xx.xx.2021-ci il tarixli **********345600 nömrəli bildirişlər göndərilmiş, lakin vergi ödəyicisi yaranmış borc məbləğini ödəməmişdir. Odur ki vergi ödəyicisi olan fiziki şəxslər tərəfindən dövlət büdcəsinə olan ümumilikdə 41.24 manat, Dövlət Sosial Müdafiə Fonduna olan 2209.7 manat, İşsizlikdən sığorta fonduna olan 138.62 manat, İcbari Tibbi Sığorta Fonduna olan 429.33 manat məbləğində borcun ödənilməsini təmin etmək üçün borclu Cavabdeh barəsində ölkədən getmək hüququnun müvəqqəti məhdudlaşdırılması barədə qətnamə çıxarılmasını xahiş etmişdir. Ərizəçi Azərbaycan Respublikası Vergilər Nazirliyinin 14 saylı Ərazi Vergilər İdarəsinin nümayəndəsi X2 məhkəmə iclası zamanı ərizənin dəlillərini müdafiə edərək təmin edilməsini və vergi ödəyicisi olan fiziki şəxslər tərəfindən dövlət büdcəsinə olan ümumilikdə 41.24 manat, Dövlət Sosial Müdafiə Fonduna olan 2209.7 manat, İşsizlikdən sığorta fonduna olan 138.62 manat, İcbari Tibbi Sığorta Fonduna olan 429.33 manat məbləğində borcun ödənilməsini təmin etmək üçün borclu Cavabdeh barəsində ölkədən getmək hüququnun müvəqqəti məhdudlaşdırılması barədə qətnamə çıxarılmasını xahiş etdi. Maraqlı şəxs Cavabdeh məhkəmə iclası zamanı izahatında göstərdi ki, Şəmkir rayonu, Keçili Bələdiyyəsinin sədridir və bələdiyyəyə Azərbaycan Respublikası Vergilər Nazirliyinin 14 saylı Ərazi Vergilər İdarəsi tərəfindən xx.xx.2005–ci il tarixdə ********** nömrəli VÖEN verilmişdir. Lakin bələdiyyənin büdcəsində pul olmadığına görə vergi borcunu vaxtında ödəyə bilməmişdir. Bununla belə ən qısa zamanda bütün borcu ödəyəcəkdir. Odur ki, hazırki ərizə üzrə qanuni qərar qəbul edilməsini məhkəmənin mülahizəsinə buraxır. Məhkəmə, ərizəçinin nümayəndəsinin və maraqlı şəxsin izahatını, işdə olan sənədləri və digər iş materiallarını tam və hərtərəfli araşdıraraq və işin məhkəmə tərəfindən müəyyən olunmuş hallarına qiymət verərək hesab edir ki, ərizəçinin tələbi haqlı olduğundan təmin edilməlidir. Belə ki, işdə olan Şəmkir rayon Keçili Bələdiyyəsinə aid şəxsi hesab vərəqəsindən görünür ki, Şəmkir rayon Keçili Bələdiyyəsi yerli özünü idarə etmə orqanı olmaqla, vergi ödəyicisidir. İşdə olan hüquqi şəxs haqqında məlumatdan görünür ki, Şəmkir rayon Keçili Bələdiyyəsinə xx.xx.2005–ci il tarixdə ********** VÖEN verilmiş, təşkilatı–hüquqi forması yerli özünü idarə etmə orqanıdır. İşdə olan Cavabdeh aid şəxsi hesab vərəqəsindən görünür ki, şəkər çuğundurunun və onun toxumunun becərilməsi fəaliyyəti ilə məşğul olan fiziki şəxs Cavabdeh ********** nömrəli VÖEN verilmiş və vergi ödəyicisidir. İşdə olan fizki şəxs haqqında məlumat vərəqəsindən görünür ki, Cavabdeh xx.xx.2019-cu il tarixdə ********** nömrəli VÖEN verilmişdir. İşdə olan vergi borcunun ödənilməsinə dair bildirişlərdən görünür ki, Şəmkir rayon Keçili Bələdiyyəsinə vergi borcu xatırladılaraq, vergi borcunun ödənilməsi tələb olunmuşdur. İşdə olan xəbərdarlıq məktubundan görünür ki, Cavabdeh borcunun ödəmədiyi halda ölkədən getmək hüququnun müvəqqəti məhdudlaşdırılması barədə məhkəməyə müraciət ediləcəyi bildirilmişdir. Beləliklə, məhkəmə iclasında araşdırılmış sübutlarla müəyyən olundu ki, Şəmkir rayon Keçili Bələdiyyəsinə xx.xx.2005–ci il tarixdə ********** VÖEN verilmiş, Cavabdeh xx.xx.2019-cu il tarixdə ********** nömrəli VÖEN verilmişdir. Vergi ödəyicisi olan həmin hüquqi və fiziki şəxs vergi öhdəliklərini Azərbaycan Respublikasının Vergi Məcəlləsi ilə müəyyən edilmiş müddətdə yerinə yetirmədiyi üçün onun dövlət büdcəsinə vergi borcu yaranmışdır. Belə ki, Cavabdeh (VÖEN: **********) işsizlikden sığorta fonduna 30,39 manat, dövlət büdcəsinə 40 manat məbləğində (o cümlədən, maliyyə sanksiyası üzrə 40 manat), İcbari Tibbi Sığorta Fonduna 165,89 manat, Dövlət Sosial Müdafiə Fonduna 910,26 manat borcu, Şəmkir Rayon Keçili bələdiyyəsinin (VÖEN:**********) Dövlət Sosial Müdafiə Fonduna 1299,44 manat, İcbari Tibbi Sığorta Fonduna 263,44 manat, İşsizlikdən sığorta fonduna 108,23 manat, dövlət büdcəsinə 1,24 manat məbləğində (o cümlədən, maliyyə sanksiyası üzrə 1,24 manat) olmaqla, ümumilikdə 2818,89 manat borcu yaranmışdır. Həmin borc məbləğinin 5 gün ərzində dövlət büdcəsinə ödənilməsi məqsədilə vergi ödəyicisinə bildiriş göndərilmiş, lakin vergi ödəyicisi yaranmış borc məbləğini ödəməmişdir. Azərbaycan Respublikası Mülki Prosessual Məcəlləsinin 88–ci maddəsinə görə məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli olan hüquq normalarına müvafiq olaraq qiymət verir. Azərbaycan Respublikası Vergi Məcəlləsinin 16.1.1–ci maddəsinə əsasən qanunla müəyyən edilmiş vergiləri, habelə bu Məcəllə ilə müəyyən edilmiş qaydada hesablanmış faizləri, tətbiq edilmiş maliyyə sanksiyalarını və digər məcburi ödənişləri ödəmək vergi ödəyicisinin vəzifəsidir. Həmin Məcəllənin 77.1–ci maddəsinə əsasən vergi ödəyicisinin bu Məcəllədə göstərilən hallarda və qaydada müəyyən edilən vergini (o cümlədən cari vergi ödəmələrini) ödəmək vəzifəsi onun vergi öhdəliyi hesab olunur. Həmin Məcəllənin 77.3–cü maddəsinə əsasən vergi ödəyicisi vergi qanunvericiliyinin tələblərinə uyğun olaraq verginin ödənilməsini nəzərdə tutan şəraitin yarandığı andan vergi öhdəliklərinin yerinə yetirilməsi üçün cavabdehdir. Həmin Məcəllənin 78.1–ci maddəsinə əsasən vergi öhdəliklərinin yerinə yetirilməsi ödənilməli olan vergi məbləğinin müəyyən edilmiş müddətlərdə və qaydada ödənilməsidir. Vergi ödəyicisinin hesablarında və ya kassasında vəsaitin, habelə onun əmlakının olub– olmamasından asılı olmayaraq vergi öhdəliklərinin yerinə yetirilməsi məcburidir. Həmin Məcəllənin 23.1.15–3–cü maddəsinə əsasən vergi ödəyicisi vergi öhdəliyini Vergi Məcəlləsi ilə müəyyən edilmiş müddətdə yerinə yetirmədikdə, hesablanmış vergilər üzrə borcların və faizlərin, tətbiq edilmiş maliyyə sanksiyalarının ödənilməsini təmin etmək üsulu kimi vergi ödəyicisi olan fiziki şəxsin və ya hüquqi şəxsin icra orqanının rəhbərinin ölkədən getmək hüququnun müvəqqəti məhdudlaşdırılması üçün məhkəməyə müraciət etmək vergi orqanının hüququdur. Azərbaycan Respublikası MPM–nin 305.1.12–ci maddəsinə əsasən məhkəmə vergi ödəyicisi olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında xüsusi icraat qaydasında işlərə baxır. Həmin Məcəllənin 355–5.1–ci maddəsinə əsasən vergi ödəyicisi və ya sığortaedən vergi, məcburi dövlət sosial sığorta, icbari tibbi sığorta və işsizlikdən sığorta haqları üzrə öhdəliyini qanunla müəyyən edilmiş hallarda və müddətlərdə yerinə yetirmədikdə, hesablanmış vergilər, məcburi dövlət sosial sığorta, icbari tibbi sığorta və işsizlikdən sığorta haqları üzrə borcların və faizlərin, vergilər və məcburi dövlət sosial sığorta haqları üzrə tətbiq edilmiş maliyyə sanksiyalarının ödənilməsini təmin etmək üçün müvafiq icra hakimiyyəti orqanının müəyyən etdiyi orqan (qurum) fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması barədə məhkəməyə müraciət etmək hüququna malikdir. Həmin Məcəllənin 355–5.2–ci maddəsinə əsasən ölkədən getmək hüququnun müvəqqəti məhdudlaşdırılması haqqında ərizə fiziki şəxslərin və ya hüquqi şəxslərin icra orqanının rəhbərinin yaşadığı (olduğu) yer üzrə verilir. Həmin Məcəllənin 355–7.4–cü maddəsinə əsasən vergi ödəyicisi və ya sığortaedən olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında qətnamə qəbul edildikdən dərhal sonra qüvvəyə minir və qətnamədən şikayətin verilməsi onun icrasını dayandırmır. Odur ki, məhkəmə hesab edir ki, vergi ödəyicisi olan Şəmkir Rayon Keçili bələdiyyəsi Cavabdeh vergi öhdəliklərini Azərbaycan Respublikasının Vergi Məcəlləsi ilə müəyyən edilmiş müddətdə yerinə yetirmədiyi üçün vergi borcunun ödənilməsini təmin etmək məqsədilə onun ölkədən getmək hüququ müvəqqəti məhdudlaşdırılmalıdır. Qeyd olunanlara əsasən və Azərbaycan Respublikası MPM–nin 213, 216–220, 233, 355–5, 311 və 360–cı maddələrini rəhbər tutaraq, məhkəmə QƏTETDİ: Ərizə təmin edilsin. Vergi ödəyicisi olan Şəmkir Rayon Keçili bələdiyyəsinin sədri, xx.xx.1966–cı il təvəllüdlü Cavabdeh ölkədən getmək hüququ müvəqqəti məhdudlaşdırılsın. Qətnamə qəbul edildikdən dərhal sonra qüvvəyə minir. Qətnamədən rəsmi qaydada verildiyi gündən 1 (bir) ay müddətində Şəmkir Rayon Məhkəməsi vasitəsi ilə (“Elektron Məhkəmə” informasiya sistemində yaradılan elektron kabinet vasitəsilə) Gəncə Apellyasiya Məhkəməsinə apellyasiya şikayəti verilə bilər. Məhkəmənin hakimi Taleh Musayev