Qusar Rayon Məhkəməsi Qərardad — İş №e-2(029)-840/2023

Azərbaycan Respublikası adından QƏRARDAD Qusar şəhəri İş № e-2(029)-840/2023 02.11.2023 QUSAR RAYON MƏHKƏMƏSİ Qasımov Anar Adil oğlunun sədrliyi, Əliyev Rahib Malik oğlunun katibliyi ilə, İddiaçı "İcbari Sığorta Bürosu" X1 Cavabdeh qarşı subroqasiya qaydasında pul tələbinə dair iddiası üzrə mülki işə açıq məhkəmə iclasında baxaraq, məhkəmə M Ü Ə Y Y Ə N E T D İ: İddiaçı "İcbari Sığorta Bürosu" X2 Cavabdeh qarşı subroqasiya qaydasında pul tələbinə dair iddia ərizəsi ilə məhkəməyə müraciət etmişdir. Məhkəmə aşağıdakılara əsasən bu nəticəyə gəlir ki, hazırki iş üzrə icraata xitam verilməlidir. Belə ki, iş materiallarından görünür ki, Cavabdeh 10 iyun 2020-ci il tarixində ölmüşdür. Azərbaycan Respublikası Mülki Prosessual Məcəlləsinin 50.1 və 50.3-cü maddələrinə əsasən prosesdə tərəflər iddiaçı və cavabdeh hesab edilirlər. Fiziki və hüquqi şəxslər, vəzifəli şəxslər, dövlət orqanları və başqa orqanlar iddiaçı və ya cavabdeh qismində çıxış edə bilərlər. İddia tələbinin yönəldiyi fiziki və hüquqi şəxslər cavabdeh hesab olunurlar. Azərbaycan Respublikası Mülki Məcəlləsinin 25.2.-ci maddəsinə əsasən fiziki şəxsin hüquq qabiliyyəti onun doğulduğu an əmələ gəlir və ölümü ilə xətm edilir. Qeyd olunan normalarının tələbini nəzərə alaraq məhkəmə hesab edir ki, iddiaçı hazırki iddia tələbi ilə məhkəməyə müraciət etdiyi zaman cavabdeh kimi göstərilmiş Cavabdeh artıq vəfat etmiş olduğundan, qeyd olunan qanunvericilik normasına əsasən ona qarşı iddia tələbi ilə müraciət edilməsi istisna edilirdi. Bu isə ona dəlalət edir Azərbaycan Respublikası Mülki Prosessual Məcəlləsinin 261.0.1-ci maddəsinə əsasən, işə məhkəmədə baxılmalı deyildirsə iş üzrə icraata xitam verilməlidir. Azərbaycan Respublikasının MPM-in 114.1, 114.1.4-cü maddələrinə əsasən bu Məcəllə ilə nəzərdə tutulmuş əsaslarla iş üzrə icraata xitam verilərsə ödənilmiş dövlət rüsumu qaytarılır. İddiaçı "İcbari Sığorta Bürosu" X2 tərəfindən dövlət rüsumu kimi ödənilmiş, ********** nömrəli qəbzi üzrə 30 manat məbləğində dövlət rüsumu iddiaçının hesabına qaytarılmalıdır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 263-264, 267 və 268-ci maddələrini rəhbər tutaraq, məhkəmə Q Ə R A R A A L D İ: İddiaçı "İcbari Sığorta Bürosu" X1 Cavabdeh qarşı subroqasiya qaydasında pul tələbinə dair mülki iş üzrə icraata xitam verilsin. İddiaçı "İcbari Sığorta Bürosu" X2 tərəfindən dövlət rüsumu kimi ödənilmiş, ********** nömrəli qəbzi üzrə 30 manat məbləğində dövlət rüsumu iddiaçının hesabına qaytarılsın. Qərardaddan 10 gün müddətində Qusar rayon məhkəməsinə şikayət verilə bilər. Hakim: Anar Qasımov