Sumqayıt Kommersiya Məhkəməsi Qərardad — İş №2-2(119)-644/2020

Azərbaycan Respublikası adından QƏRARDAD Sumqayıt şəhəri İş № 2-2(119)-644/2020 23.09.2020 SUMQAYIT KOMMERSİYA MƏHKƏMƏSİ Sumqayıt Kommersiya Məhkəməsinin hakimi Məmmədov Zahid Tahir oğlu iddiaçılar İddiaçı1, İddiaçı2, İddiaçı3 Mötəbər oğlu, Zalov Maarif Mötəbər oğlu, İddiaçı5, İddiaçı6 və X1 Cavabdeh qarşı antisanitar vəziyyətin aradan qaldırılması və qanunsuz sahibkarlıq fəaliyyətinin ləğvi tələbinə dair iddia ərizəsini və əlavə olunmuş sənədləri nəzərdən keçirib, MÜƏYYƏN ETDİ: İddiaçılar cavabdehə qarşı antisanitar vəziyyətin aradan qaldırılması və qanunsuz sahibkarlıq fəaliyyətinin ləğvi tələbi barədə iddia ərizəsi ilə məhkəməyə müraciət etmişlər. İddia ərizəsi məhkəmənin dəftərxanasına kağız daşıyıcıda xx.xx.2020-ci il tarixdə daxil olmuşdur. Məhkəmə iddia ərizəsini vəiş materiallarınıtədqiq edib hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 10-1.3-cü maddəsinə əsasən kommersiya mübahisələri üzrə məhkəmə icraatı, o cümlədən ərizə, şikayət və digər sənədlərin göndərilməsi, qəbulu, habelə məhkəmə sənədlərinin məhkəməyə və proses iştirakçılarına çatdırılması “Elektron məhkəmə” informasiya sistemində yaradılan elektron kabinet vasitəsilə həyata keçirilir. Lakin, hazırkı iddia ərizəsi məhkəməyə elektron kabinet vasitəsi ilə göndərilməmişdir. Bundan əlavə, iddia ərizəsinin cavabdehə çatdırılmasına dair sənəd də iddia ərizəsinə əlavə olunmamışdır. Halbuki, Mülki Prosessual Məcəllənin 150.0.4-cü maddəsinə əsasən kommersiya mübahisələri üzrə işdə iştirak edən digər şəxslər tərəfindən iddia ərizəsinin surətinin və ona əlavə edilmiş sənədlərin alınması haqqında sənəd iddia ərizəsinə əlavə edilir. Mülki Prosessual Məcəllənin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.1, 152.1.1-ci maddəsinin tələblərinə görə bu Məcəllənin 149cu maddəsi ilə müəyyən olunmuş iddia ərizəsinin formasına və məzmununa riayət edilmədikdə,152.1.4-cü maddələSnə əsasən isə kommersiya mübahisələri üzrə işdə iştirak edən digər şəxslər tərəfindən iddia ərizəsinin alınmasına dair sübut təqdim edilmədikdə hakim iddia ərizəsini və ona əlavə edilmiş sənədləri geri qaytarır. Məhkəmə həmçinin qeyd etməyi zəruri hesab edir ki, iddiaçılar tərəfindən yuxarıda qeyd edilən hallarla yanaşı, Mülki Prosessual Məcəllənin məhkəməyə aidiyyətinə dair normalarının tələbləri də nəzərə alınmalıdır. Belə ki, həmin Məcəllənin 24.2-ci maddəsinə əsasən mübahisənin ümumi məhkəməyə və ya kommersiya məhkəməsinə aidiyyəti işdə iştirak edən şəxslərin subyektiv tərkibi, mübahisənin predmeti və hüquq münasibətlərinin xarakteri nəzərə alınmaqla müəyyən edilir. MPM-nin 25.1-ci maddəsinin tələblərinə əsasən sahibkarlıq fəaliyyətinin həyata keçirilməsi ilə əlaqədar olmayan mübahisələrə dair işlərə mülki məhkəmə icraatı qaydasında ümumi məhkəmələr baxır. Həmin Məcəllənin 26.1-ci maddəsinə əsasən sahibkarlıq fəaliyyətinin həyata keçirilməsi ilə əlaqədar olan mübahisələrə (kommersiya mübahisələrinə) dair işlərə mülki məhkəmə icraatı qaydasında kommersiya məhkəmələri baxır. Məhkəmə qeyd edir ki, hazırkı işdə tərəflərin sahibkarlıq fəaliyyəti ilə məşğul olmaları barədə hər-hansı sənəd də (vergi orqanlarında qeydiyyatdan keçmələri barədə sənəd) iddia ərizəsinə əlavə edilməmişdir. Azərbaycan Respublikası Mülki-Prosessual Məcəlləsinin 152.4-cü maddəsinə əsasən, iddia ərizəsinin qaytarılması, nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikası MPM-nin 3, 10-1, 24- 26, 151-152, 263-264 və 266-268-ci maddələrini rəhbər tutaraq, məhkəmə Q Ə R A R A A L D İ: İddiaçılar İddiaçı1, İddiaçı2, İddiaçı3 Mötəbər oğlu, Zalov Maarif Mötəbər oğlu, İddiaçı5, İddiaçı6 və X1 Cavabdeh qarşı antisanitar vəziyyətin aradan qaldırılması və qanunsuz sahibkarlıq fəaliyyətinin ləğvi tələbinə dair iddia ərizəsi və ona əlavə edilmiş sənədlər geri qaytarılsın. Qərardaddan 10 gün müddətində Sumqayıt Kommersiya Məhkəməsinə şikayət verilə bilər. Hakim Zahid Məmmədov