Naxçıvan Muxtar Respublikasının İnzibati Məhkəməsi Qərardad — İş №2-1(122)-1123/2025

Azərbaycan Respublikası adından QƏRARDAD Naxçıvan şəhəri İş № 2-1(122)-1123/2025 17.10.2025 NAXÇIVAN MUXTAR RESPUBLİKASININ İNZİBAT MƏHKƏMƏSİ X1 Heydər oğlunun sədrliyi, X2 oğlunun katibliyi, İddiaçı iştirakı ilə, İddiaçı cavabdehlər Azərbaycan Respublikasının Müdafiə Nazirliyinə və Cavabdeh2 qarşı "icra məmurunun hərəkətsizliyinin qanunsuz sayılması, onun məhkəmə qərarının icrasının tam təmin olunması barədə göstəriş verilməsi, icra materiallarını Azərbaycan Respublikasının prokurorluğuna göndərilərək icra məmuru və cavabdehin (məsul şəxsin) barəsində cinayət məsuliyyəti cəlb olunması tələbi"nə dair aidiyyət məsələsi ilə bağlı işə Naxçıvan Muxtar Respublikası İnzibati Məhkəməsinin binasında açıq məhkəmə iclasında baxaraq, müəyyənetdi: İddiaçı iddia ərizəsi ilə məhkəməyə müraciət edərək, icra məmurunun hərəkətsizliyinin qanunsuz sayılması, onun məhkəmə qərarının icrasının tam təmin olunması barədə göstəriş verilməsi, icra materiallarını Azərbaycan Respublikasının prokurorluğuna göndərilərək icra məmuru və cavabdehin (məsul şəxsin) barəsində cinayət məsuliyyəti cəlb olunması barədə qərar qəbul edilməsini xahiş etmişdir. Azərbaycan Respublikasının İnzibati Prosessual Məcəlləsinin 45.4-cü maddəsinə müvafiq olaraq inzibati iş məhkəməyə daxil olduğu gündən icraata qəbul edilmiş və aidiyyətin yoxlanılması ilə bağlı məhkəmə iclası 17 oktyabr 2025-ci il tarixə təyin edilmişdir. Məhkəmə iclasında iştirak edən İddiaçı məhkəməyə 17 oktyabr 2025-ci il tarixli ərizə təqdim edərək, icra məmurunun hərəkətsizliyinin qanunsuz sayılması, onun məhkəmə qərarının icrasının tam təmin olunması barədə göstəriş verilməsi, icra materiallarını Azərbaycan Respublikasının prokurorluğuna göndərilərək icra məmuru və cavabdehin (məsul şəxsin) barəsində cinayət məsuliyyəti cəlb olunması tələbinə dair iddiasından imtina etdiyini, iddiadan imtina etməyin hüquqi nəticələrinin ona məlum olduğunu bildirmiş, imtina barədə müvafiq qərardad qəbul edilməsini məhkəmədən xahiş etmişdir. Məhkəmə iddiaçının izahatını dinləyərək, ərizəsini nəzərdən keçirərək belə nəticəyə gəlir ki, ərizə aşağıda qeyd edilən normaların tələblərinə uyğun olduğundan iş üzrə icraata xitam verilməlidir. Azərbaycan Respublikası İnzibati Prosessual Məcəlləsinin: 15.2-ci maddəsinə əsasən inzibati məhkəmə icraatında tərəflər mübahisəyə baxılmasını bilavasitə özləri tərəfindən, yaxud mediasiya vasitəsilə bağlanılmış barışıq sazişi ilə, iddiaçının iddiadan imtina etməsi ilə, cavabdehin iddianı qəbul etməsi ilə və ya hüquqi mübahisənin nizamlanması barədə müştərək bəyanatla sona çatdıra bilərlər. 50.0 və 50.0.2-ci maddələrinə əsasən sədrlik edən hakim mübahisə ilə bağlı iş üzrə hazırlıq icraatında iddiaçının iddiadan imtina etməsi və ya cavabdehin iddianı qəbul etməsi barədə məsələləri həll edir və bu barədə müvafiq qərardad qəbul edir. 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Beləliklə, məhkəmə hesab edir ki, İddiaçı cavabdehlər Azərbaycan Respublikasının Müdafiə Nazirliyinə və Cavabdeh2 qarşı "icra məmurunun hərəkətsizliyinin qanunsuz sayılması, onun məhkəmə qərarının icrasının tam təmin olunması barədə göstəriş verilməsi, icra materiallarını Azərbaycan Respublikasının prokurorluğuna göndərilərək icra məmuru və cavabdehin (məsul şəxsin) barəsində cinayət məsuliyyəti cəlb olunması tələbi"nə dair iş üzrə İddiaçı ərizəsi təmin edilməli və inzibati iş üzrə icraata xitam verilməlidir. Göstərilənləri nəzərə alaraq və Azərbaycan Respublikası İnzibati Prosessual Məcəlləsinin 55.1, 55.4, 55.5, 80, 83.1-ci maddələrini rəhbər tutaraq, məhkəmə qəraraaldı: İddiaçı 17 oktyabr 2025-ci il tarixli ərizəsi təmin edilsin. İddiaçı cavabdehlər Azərbaycan Respublikasının Müdafiə Nazirliyinə və Cavabdeh2 qarşı "icra məmurunun hərəkətsizliyinin qanunusuz sayılması, onun məhkəmə qərarının icrasının tam təmin olunması barədə göstəriş verilməsi, icra materiallarını Azərbaycan Respublikasının prokurorluğuna göndərilərək icra məmuru və cavabdehin (məsul şəxsin) barəsində cinayət məsuliyyəti cəlb olunması tələbi"nə dair inzibati iş üzrə icraata xitam verilsin. İddiaçıya izah olunsun ki, iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. Qərardaddan şikayət verilə bilməz. Hakim: Elnur Hüseynov