Bakı Şəhəri Nəsimi Rayon Məhkəməsi Qərar — İş №3(006)-3486/2024

Azərbaycan Respublikası adından QƏRAR Bakı şəhəri İş № 3(006)-3486/2024 02.09.2024 BAKI ŞƏHƏRİ NƏSİMİ RAYON MƏHKƏMƏSİ Hakim: Pənahov Babək Əkbər oğlunun sədrliyi Məhkəmə iclasının katibi: X1 İnzibati xəta haqqında Bakı şəhər Statistika İdarəsinin protokolu tərtib etmiş şəxs: nümayəndəsi Nümayəndə qızının iştirakları ilə Şəxs MMC (hüquqi ünvanı: Bakı şəhəri, Nəsimi rayonu, Kövkəb xanım Səfərəliyeva küçəsi, ev 05; VÖEN: **********) barəsində Azərbaycan Respublikası İnzibati Xətalar Məcəlləsinin 389-cu maddəsi üzrə tərtib olunmuş xx.xx.2024-cü il tarixli, MN ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq məhkəmə M Ü Ə Y Y Ə N E T D İ: Şəxs MMC 2024-cü ilin aylıq üzrə 12-mehmanxana (“Mehmanxanaların (hotellərin) və mehmanxana tipli obyektlərin fəaliyyəti haqqında”) rəsmi statistik hesabatı kimi statistik müşahidələrin aparılması üçün zəruri olan məlumatları vaxtında dövlət statistika orqanlarına təqdim etməmişdir. Məhkəmə iclasında inzibati xəta haqqında protokolu tərtib etmiş qurumun nümayəndəsi Nümayəndə izahatında bildirdi ki, Şəxs MMC 2024-cü ilin aylıq üzrə 12mehmanxana (“Mehmanxanaların (hotellərin) və mehmanxana tipli obyektlərin fəaliyyəti haqqında”) rəsmi statistik hesabatı iyul ayı üçün dövlət statistika orqanlarına avqust ayının 10-dək təqdim etməli olduğu halda, buna əməl etməmiş, həmin hesabatı 02 gün gecikmə ilə, yəni 12 avqust 2024-cü il tarixdə təqdim etmişdir. Şirkətin inzibati məsuliyyətə cəlb olunması haqqında qərar qəbul edilməsini xahiş etdi. Məhkəmə iclasının vaxtı və yeri barədə xəbardarlıq edilməsinə baxmayaraq, barəsində icraat aparılan hüquqi şəxs Şəxs MMC-nin nümayəndəsi məhkəməyə gəlməmiş, bunun səbəbi barədə məhkəməyə məlumat verilməmişdir. Məhkəmə işə onun iştirakı olmadan baxılmasını mümkün hesab etmişdir. İş materiallarında olan müvafiq sistemdən olan çıxarışa əsasən Şəxs MMC tərəfindən 12-mehmanxana (“Mehmanxanaların (hotellərin) və mehmanxana tipli obyektlərin fəaliyyəti haqqında”) rəsmi statistik hesabatı təqdim edilməmişdir. “Rəsmi statistika haqqında” Azərbaycan Respublikası Qanununun 7-ci maddəsinin birinci hissəsinin 3-cü bəndinə görə dövlət statistika orqanlarına öz vəzifələrini yerinə yetirmək üçün statistik müşahidələrin aparılması üçün məlumatlar təqdim etməyən, yaxud məlumatları gecikdirməklə və ya təhriflə təqdim edən, statistik sirri yayan şəxslər barəsində qanunvericiliklə müəyyən edilmiş qaydada inzibati icraat başlamaq və inzibati tənbeh tədbirləri tətbiq etmək hüququ verilir. Həmin Qanunun 11-ci maddəsinin 4-cü hissəsinə əsasən Azərbaycan Respublikasının ərazisində yerləşən bütün hüquqi şəxslər (onların nümayəndəlik və filialları) və fiziki şəxslər dövlət (region) müşahidələrinin aparılması üçün lazım olan məlumatları müəyyən edilmiş həcmdə və müddətlərdə haqqı ödənilmədən kağız və ya müvafiq qanunvericiliyə uyğun olaraq məlumatların təqdim edilməsi təsdiq oluna bilən elektron sənəd formasında dövlət statistika orqanlarına təqdim etməyə borcludurlar. Azərbaycan Respublikası Dövlət Statistika Komitəsinin 19 noyabr 2013-cü il tarixli, 126/09 saylı qərarı ilə təsdiq edilmiş “Mehmanxanaların (hotellərin) və mehmanxana tipli obyektlərin fəaliyyəti haqqında” 12-mehmanxana №-li aylıq rəsmi statistika hesabatı formasında göstərilmişdir ki, 12-mehmanxana №-li rəsmi statistika hesabatı forması ölkədə fəaliyyət göstərən mehmanxanalar (hotellər) və mehmanxana tipli obyektlər, onlarda mövcud olan otaqların (nömrələrin) və yerlərin, yerləşmə xidmətindən istifadə edən şəxslərin, gecələmələrin sayı və s. barədə məlumatların əldə edilməsi üçün nəzərdə tutulmuşdur. Hesabatı təşkilati-hüquqi formasından və mülkiyyət növündən asılı olmayaraq yerləşmə xidmətləri göstərən mehmanxanalar (hotellər) və mehmanxana tipli obyektlər hesabat ayından sonrakı ayın 10-dək elektron formada www.stat.gov.az internet səhifəsində real-vaxt rejimində təqdim edir. Hazırki işin hallarından da müəyyən olunur, Şəxs MMC tərəfindən qanunvericiliyin bu tələblərinə vaxtında əməl olunmamışdır. Azərbaycan Respublikası İnzibati Xətalar Məcəlləsinin 389-cu maddəsi statistik müşahidələrin aparılması üçün zəruri olan məlumatların təqdim edilməməsinə və ya vaxtında təqdim edilməməsinə, yaxud hesabatların təhrif edilməsinə görə inzibati məsuliyyət nəzərdə tutur. Məhkəmə, tərəfin izahatını dinləyib, habelə etirazı iş materialları ilə birlikdə araşdırıb hesab edir ki, Şəxs MMC tərəfindən Azərbaycan Respublikası İnzibati Xətalar Məcəlləsinin 389-cu maddəsində nəzərdə tutulmuş inzibati xətanın törədilməsi tam sübuta yetirilir. Buna görə də qurum həmin maddə ilə təqsirli bilinərək inzibati məsuliyyətə cəlb edilməlidir. İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 31.3-cü maddəsinə görə hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs MMC-nin məsuliyyətini yüngülləşdirən və ya ağırlaşdıran hallar müəyyən edilmədi. Beləliklə, məhkəmə Şəxs MMC-nin törətdiyi inzibati xətanın xarakterini, inzibati xəta nəticəsində onun maraqlarının təmin edilməsinin dərəcəsini, hüquqi şəxsi xarakterizə edən halları və s. nəzərə alaraq hesab edir ki, ona İnzibati Xətalar Məcəlləsinin 389-cu maddəsində nəzərdə tutulmuş cərimə tətbiq olunmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-50, 114-115 və 128-130-cu maddələrini rəhbər tutaraq məhkəmə Q Ə R A R A A L D İ: Şəxs MMC Azərbaycan Respublikası İnzibati Xətalar Məcəlləsinin 389-cu maddəsində nəzərdə tutulmuş əməli törətməkdə təqsirli bilinərək 300 (üç yüz) manat məbləğində cərimə edilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Babək Pənahov