Qəbələ Rayon Məhkəməsi Qərar — İş №3(025)-444/2024

Azərbaycan Respublikası adından QƏRAR Qəbələ şəhəri İş № 3(025)-444/2024 06.09.2024 QƏBƏLƏ RAYON MƏHKƏMƏSİ Qəbələ rayon Məhkəməsi, X10 Oktay oğlunun sədrliyi, məhkəmə iclas katibi Tahirova Ləman Kamran qızının katibliyi və Zərərçəkmiş şəxs iştirakı ilə, xx.xx.1985-ci ildə Qəbələ rayonu, Bum qəsəbəsində anadan olmuş, AR vətəndaşı, evli, Qəbələ rayonu, Bum qəsəbəsində yaşayan Şəxs barəsində Azərbaycan Respublikası İXM-nin 232-1-ci maddəsi ilə olan inzibati xəta haqqında protokola və toplanmış materiallara açıq məhkəmə iclasında baxaraq, məhkəmə M Ü Ə Y Y Ə N E T D İ: Şəxs barəsində AR İXM-nin 232-1-ci maddəsi ilə ondan ötrü inzibati xəta haqqnda iş üzrə icraat başlanmışdır ki, (xx.xx.2024-cü il tarixli MN ******* nömrəli inzibati xəta haqqında protokol üzrə) o, xx.xx.2024-cü il tarixdə günorta vaxtı qonşusu Zərərçəkmiş şəxs məxsus olan Qəbələ rayonu, Bum qəsəbəsində yerləşən yardımçı tikilinin dam örtüyünün şiləsərinin bir hissəsini söküb tikilini yararsız hala salmaqla ona 380,40 manat dəyərində maddi zərər vurmuşdur. İş üzrə Zərərçəkmiş şəxs göstərmişdir ki, o, ailə üzvləri ilə birlikdə Qəbələ rayonu, Bum qəsəbəsində, şəxsi mülkiyyətində olan torpaq sahəsində yerləşən fərdi yaşayış evində yaşayır. Evi il bundan qabaq tikmiş, tikilinin arxa divarı həmkəndlisi X2 məxsus olan həyətyanı sahənin sərhəddinə düşdüyünə görə dam örtüyünün şiləsəsi 20-25 sm qonşu tərəfə keçmişdir. X4 dam örtüyünün şiləsəsinin onun tərəfində keçməsinə etiraz etdiyinə görə yağış yağan zaman suyun onun həyətinə tökülməməsi üçün şiləsənin kənarlarını novla haşiyələmişdir. xx.xx.2024-cü il tarixdə saat təxminən 14-00 radələrində Şəxs bacısı Gülər Şəfiyeva ilə birlikdə yaşadığı ünvana gələrək damının şiləsərinin sökülməsini tələb etmiş, o, da evi özünə məxsus torpaq sahəsində inşa etdiyini deyərək damının şiləsərini sökməkdən imtina etmişdir. Bundan sonra hər ikisi çıxıb getmiş, təxminən 30 dəqiqə keçəndən sonra evin damından səs gəldiyini eşitmiş və baxaraq Şəxs, Ağasəlim Hacıyev və Gülər Şəfiyevanın evin damının şiləsərini dəmir parçası ilə sökərək yarasız hala saldıqlarını görüb AR DİN-in "102" xidmətinə zəng edərək məlumat vermişdir. Ona məxsus evin damının şiləsərinin dəmir örtüyünün, və taxta materialının yararsız hala salınması nəticəsində ona ümumilikdə 400 manat maddi ziyan dəymiş və ödənilməmişdir.. İşdə olan AR DİN Qəbələ RPŞ TB-nin “Cinayət işinin başlanmasının rədd edilməsi barədə” 29 iyul 2024-cü il tarixli qərarının surətinə əsasən araşdırma zamanı müəyyən edilmişdir ki, xx.xx.2024-cü il tarixdə Şəxs və X1 Şəhriyar Laçın oğluna məxsus olan Qəbələ rayonu, Bum qəsəbəsində yerləşən yardımçı tikilinin dam örtüyünün şiləsərinin bir hissəsini söküb tikilini yararsız hala salmaqla ona 380,40 manat dəyərində maddi zərər vurmuşlar. AR İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 84.2-ci maddəsinə əsasən heç bir sübutun qabaqcadan müəyyən edilmiş qüvvəsi yoxdur. Həmin Məcəllənin 232-1-ci özgənin əmlakını qəsdən məhv etməyə və zədələməyə görə, bu az miqdarda ziyan vurduqda inzibati məsuliyyət nəzərdə tutulmuşdur. Məhkəmə zərərçəkmiş şəxsi dinləyib işdə olan materialları tədqiq edərək hesab edir ki, Şəxs əməlində Azərbaycan Respublikası İXM-nin 232-1-ci maddəsinin tərkibi vardır. Ona görə də o, həmin maddə ilə təqsirli bilinib inzibati qaydada tənbeh olunmalıdırlar. AR İXM-nin 32.2-ci maddəsinə əsasən fiziki şəxslər barəsində inzibati tənbeh tədbiri tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İşdə olan elektron informasiya sisteminin məlumatına əsasən Şəxs himayəsində xx.xx.2009cu il təvəllüdlü X5 və xx.xx.2012-ci il təvəllüdlü X6 adından uşaqları vardır. Himayəsində iki nəfər azyaşlı uşaqların olması Şəxs məsuliyyətini yüngülləşdirən haldır. İş üzrə məsuliyyəti ağırlaşdıran hallar müəyyən edilməmişdir. Məhkəmə hesab edir ki, törətdiyi inzibati xətaların xarakteri nəzərə alaraq Şəxs barəsində AR İXM-nin 232-1-ci maddəsinin sanksiyasında nəzərdə tutulmuş cərimə növündə tənbeh tədbiri tətbiq olunmalı və cərimənin miqdarı müəyyən edilərkən onun məsuliyyətini yüngülləşdirən halın olması nəzərə alınmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43,50, 114,115, 117,130 və 138-ci maddələrini rəhbər tutaraq Q Ə R A R A A L D İ: Şəxs Azərbaycan Respublikası İXM-nin 232-1-ci maddəsi ilə təqsirli bilinsin və 380,40 (üç yüz səksən manat qırx qəpik) manat cərimə edilsin. Qərardan 10 (on) gün müddətində Qəbələ rayon Məhkəməsi vasitəsi ilə Azərbaycan Respublikası Şəki Apellyasiya Məhkəməsinə apellyasiya şikayəti verilə bilər. Hakim: Ülvi Qənbərov.