Azərbaycan Respublikası adından QƏRARDAD Şirvan Şəhəri İş № e-2-1(120)-100/2021 16.02.2021 ŞİRVAN İNZİABTİ MƏHKƏMƏSİ Şirvan İnzibati Məhkəməsinin hakim İsmayılov Orxan Nadir oğlu İddiaçı cavabdeh Azərbaycan Respublikası İqtisadiyyat Nazirliyi yanında Dövlət Vergi Xidmətinin 8 saylı X2rşı xx.xx.2020-ci il tarixli, **********198831 nömrəli qərarın ləğv edilməsi tələbinə dair İddiaçı nümayəndəsi və vəkili Nümayəndə ərizəsini nəzərdən keçirib, Müəyyən etdi: İddiaçı cavabdeh Azərbaycan Respublikası İqtisadiyyat Nazirliyi yanında Dövlət Vergi Xidmətinin 8 saylı X2rşı iddia ərizəsi ilə məhkəməyə müraciət edərək, xx.xx.2020-ci il tarixli, **********198831 nömrəli qərarın ləğv edilməsi barədə qətnamə qəbul edilməsini xahiş etmişdir. Şirvan İnzibati Məhkəməsinin xx xxxxxxx 2020-ci il tarixli, 2-1(120)-1249/2020 nömrəli qərardadı ilə iş üzrə kompleks məhkəmə ekspertizanın təyin olunmuş, ekspertizanın keçirilməsi üçün məhkəmənin qeyd olunan qərardadı və 2-1(120)-1249/2020 nömrəli iş Məhkəmə Ekspertizası Mərkəzinə göndərilmişdir. İddiaçı nümayəndəsi və vəkili Nümayəndə “Elektron məhkəmə” informasiya sistemində yaradılan elektron kabinetə ərizə yerləşdirərək, iddiadan imtina etdiklərini və iş üzrə təyin olunmuş kompleks məhkəmə ekspertizanın təyin olunması haqqında qərardadın icrasız saxlanılması barədə Məhkəmə Ekspertizası Mərkəzinə müraciət edilməsini xahiş etmişdir. Məhkəmənin xx xxxxxx 2021-ci il tarixli məktubu ilə Şirvan İnzibati Məhkəməsinin 2- 1(120)-1249/2020 nömrəli inzibati iş üzrə qəbul etdiyi kompleks məhkəmə ekspertizanın təyin olunması haqqında xx xxxxxxx 2020-ci il tarixli qərardadının icrasız saxlayaraq, həmin inzibati işin Şirvan İnzibati Məhkəməsinə qaytarılması Məhkəmə Ekspertizası Mərkəzindən xahiş olunmuş və inzibati iş məhkəməyə qaytarılmışdır. İddiaçının nümayəndəsi və vəkilinin məhkəməyə elektron kabinet vasitəsilə verdiyi ərizə ilə bağlı məhkəmə qeyd edir ki, vəkilin iddia tələblərindən imtina etmək və s. kimi hərəkətləri etməsi mümkündür. Belə ki, iş materiallarında olan 01 nömrəli, xx xxxx 2020-ci il tarixli etibarnaməyə əsasən vəkil Nümayəndə iş üzə iddiaçı X1 tərəfindən “iddia tələblərindən tam və ya qismən imtina edilməsi” kimi səlahiyyət verilmişdir. Məhkəmə qeyd edir ki, iddiaçının iddiadan imtina etməsi onun cavabdehə qarşı irəli sürdüyü maddi-hüquqi tələbdən və bu tələbin məhkəmədə müdafiəsi hüququndan imtina etməsidir. Məhkəməyə müraciət etmiş şəxsin bilavasitə iradəsinin ifadəsi olduğuna görə, onun öz tələbindən imtina etməsi işin icraatının davam etdirilməsini lüzumsuz edir. Ona görə də qanunvericilik iddiaçının iddiadan imtina etməsini icraata xitam verilməsi əsası kimi nəzərdə tutmuşdur. Həmçinin, məhkəmə qeyd edir ki, iddiadan imtina edilməsi zamanı prosessual qanunvericilik iddiaçıya münasibətdə heç bir məhdudiyyət nəzərdə tutmadığı üçün (İPM-in 55.2-ci maddəsində şifahi məhkəmə baxışında tərəflərin çıxışlarından sonra iddiadan imtina edilməsinə yalnız cavabdehin razılığı ilə yol verilməsi barədə məhdudiyyət mövcuddur) və iddiadan imtina edilməsi hazırki halda cavabdehin iradəsindən asılı olmadığına görə, yəni iddiaçı şifahi məhkəmə baxışına qədər imtina etdiyi üçün imtina qəbul edilməlidir Azərbaycan Respublikasının İnzibati Prosessual Məcəlləsinin: 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. 55.5-ci maddəsinə görə iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz Azərbaycan Respublikasının İnzibati Prosessual Məcəlləsinin 16.3-cü maddəsinə əsasən mübahisəni mahiyyəti üzrə həll etməyən məhkəmə qərardadları şifahi məhkəmə baxışı keçirilmədən də qəbul edilə bilər. Məhkəmə İddiaçı nümayəndəsi və vəkili Nümayəndə ərizəsinə baxaraq hesab edir ki, ərizə təmin edilməli, iddia tələbindən imtina qəbul edilməli və iş üzrə icraata xitam verilməlidir. Qeyd olunanları və Azərbaycan Respublikası İnzibati Prosessual Məcəlləsinin 16,3, 55-ci, 80-ci, 83-cü və 85-ci maddələrini rəhbər tutaraq məhkəmə Qərara aldı :
1. İddiaçı cavabdeh Azərbaycan Respublikası İqtisadiyyat Nazirliyi yanında Dövlət Vergi Xidmətinin 8 saylı X2rşı xx.xx.2020-ci il tarixli, **********198831 nömrəli qərarın ləğv edilməsi tələbinə dair iş üzrə icraata xitam verilsin.
2. İzah edilsin ki, iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir.
3. Qərardaddan şikayət verilə bilməz.
Hakim Orxan İsmayılov